الماتى وبلىسىندا دەسانتتىق-شابۋىلداۋ اسكەرلەرىنىڭ شتابتارى مەن بولىمشەلەرىنىڭ ۇيلەسىمدى ءىس-قيمىلىن تەكسەرۋگە ارنالعان اۋقىمدى ءىس-شارا اياقتالدى. دەسانتشىلار كۇردەلى جاعدايدا, بەيتانىس جەردە جانە شارتتى قارسىلاستىڭ تىلىندا تاپسىرمالاردى ورىنداپ, ءوز قابىلەتتەرىن كورسەتتى, دەپ جازادى Egemen.kz.
اسكەرلەردىڭ پراكتيكالىق ءىس-قيمىلىن قورعانىس ءمينيسترىنىڭ ءبىرىنشى ورىنباسارى – قارۋلى كۇشتەر باس شتابىنىڭ باستىعى, گەنەرال-لەيتەنانت قانىش ابۋباكىروۆ باقىلاپ, باعاسىن بەردى.
دابىلمەن كوتەرىلگەن دەسانتتىق-شابۋىلداۋ اسكەرلەرىنىڭ بولىمشەلەرى قىسقا مەرزىمدە مەجەلى اۋداندار مەن پوليگوندارعا اسكەري تەحنيكامەن جورىققا شىقتى. ول جەردە باسقارۋ پۋنكتتەرىن شۇعىل ورناتىپ, جەكە قۇرام وقۋ-جاۋىنگەرلىك مىندەتتەردى ۇرىسقا بارىنشا جاقىن جاعدايدا ورىنداۋعا كىرىستى.
تەكسەرۋدىڭ نەگىزگى ەپيزودتارىنىڭ ءبىرى – قالا ىشىندە زاڭسىز قارۋلانعان توپتى جويۋ بولدى. اسكەردىڭ ءبىر بولىگى شارتتى قارسىلاستىڭ تىل جاعىنا قاراي ارميا اۆياتسياسىنىڭ تىكۇشاقتارىمەن جىبەرىلدى. بۇل قارسىلاستىڭ تۋ سىرتىنان وراعىتىپ ءوتىپ, توسىننان ارەكەت ەتۋگە مۇمكىندىك بەردى.
دەسانتشىلار قالاي دايارلانادى؟
اۋە قورعانىسى كۇشتەرىنىڭ ەكيپاجدارى دەسانتتىق-شابۋىلداۋ بولىمشەلەرىنە اۆياتسيالىق قورعان بولىپ, اۋەدەن دە, جەردەن دە وق اتىپ, قولداپ وتىردى. اۆياتسيا ءوزارا ءىس-قيمىل جاساپ, اسكەري قىزمەتشىلەر ەلدى مەكەن ىشىندە قارۋلى توپتى قۇرىقتاۋ مەن جويۋ تاكتيكالىق ءىس-قيمىلدارىن پىسىقتادى. ارتىنشا باسىپ العان شەپتەرگە شوعىرلانىپ, ماڭىزدى نىسانداردى تازارتتى.
كەشەندى تەكسەرۋ قارقىندى تۇردە ءوتىپ, جاۋىنگەرلىك دايارلىقتىڭ, اتاپ ايتقاندا جەدەل ارەكەت ەتۋ مەن اسكەرلەردى باسقارۋ, سونداي-اق اسكەر تۇرلەرى اراسىنداعى ءوزارا ءىس-قيمىل مەن قارۋ-جاراقتى ءىس جۇزىندە قولدانۋعا دەيىنگى بارلىق نەگىزگى ەلەمەنتتەردى قامتىدى.
دەسانت اسكەرى قاتارىنا 1 500 جاۋىنگەر قوسىلدى
ءىس-شاراعا 5 مىڭنان اسا اسكەري قىزمەتشى, 200-دەن استام قارۋ-جاراق پەن اسكەري تەحنيكا جۇمىلدىرىلدى.