گيننەسس رەكوردتار كىتابى مالىمەتىنشە, الەمدەگى ەڭ ۇزاق ۋاقىت ۇزىلمەي كورسەتىلىپ كەلە جاتقان انيماتسيالىق تەلەسەريال – جاپوندىق «سادزاە حانىم» تۋىندىسى.
بۇل جوبا العاش 1969 جىلدىڭ 5 قازانىندا ەفيرگە شىققان. ال گيننەستىڭ رەسمي ەسەبىندە 2024 جىلدىڭ 6 قازانىندا اتالعان تەلەسەريالعا 55 جىل 1 كۇن بولعانى ناقتى جازىلعان. تاعى ءبىر قىزىعى, مۋلتيسەريالدىڭ ءتۇپ-توركىنى جاپون سۋرەتشىسى ماچيكو حاسەگاۆا جاساعان ءتورت كادرلى قىسقا كوميكستەرگە بارىپ تىرەلەدى. ءسويتىپ, قاراپايىم كوميكستەن باستالعان «سادزاە حانىم» بۇگىنگە دەيىن ۇزىلمەي جالعاسىپ, تۇتاس ءبىر ۇرپاقتىڭ بالالىق شاعىن عانا ەمەس, جاپونيانىڭ كۇندەلىكتى تۇرمىس تاريحىن دا ەكراندا ساقتاپ كەلە جاتقان رەكوردتىق جوباعا اينالدى.