اقمولا وبلىسى بۋراباي اۋدانىنىڭ تۇرعىندارىنا قاتىستى زاڭسىز بالىق اۋلاۋ دەرەگى بويىنشا قىلمىستىق ءىس قارالدى. بۇل تۋرالى وبلىستىق مامانداندىرىلعان اۋدانارالىق قىلمىستىق سوتتىڭ ءباسپاسوز قىزمەتى حابارلادى, دەپ جازادى Egemen.kz.
سوت انىقتاعانداي, قۇقىق بۇزۋشىلار ەرەكشە قورعالاتىن تابيعي اۋماققا جاتاتىن جوكەي كولىندە ءتيىستى ليتسەنزياسىز ۇساق كوزدى اۋ تورلارىن پايدالانىپ, 450 كەلى سازان مەن موڭكە بالىعىن زاڭسىز اۋلاعان. ياعني بالىق رەسۋرستارىن جاپپاي قىرىپ-جويۋ ءتاسىلى قولدانىلعان. مەملەكەتكە كەلتىرىلگەن شىعىن 5,7 ملن تەڭگەنى قۇرادى.
كۇدىكتىلەردى مەملەكەتتىك ۇلتتىق تابيعي پارك ينسپەكتورلارى ۇستاعان. تەكسەرۋ بارىسىندا 14 بالىق اۋلاۋ تورى مەن 19 قاپ بالىق تاركىلەندى. سوتتا ايىپتالۋشىلار تور ارقىلى بالىق اۋلاۋعا تىيىم سالىنعانىن بىلگەندەرىن ايتىپ, كىنالارىن تولىق مويىندادى. ولار كەلتىرىلگەن شىعىندى وتەگەن.
وسكەمەندە زاڭسىز اۋلانعان 4 توننادان استام بالىق تاركىلەندى
سوت مالىمەتىنشە, ەرەكشە قورعالاتىن تابيعي اۋماقتا بالىقتى جاپپاي قىرىپ-جويۋ تاسىلىمەن اۋلاۋ تابيعاتتى قورعاۋ زاڭناماسىن ورەسكەل بۇزۋ بولىپ سانالادى جانە اۋىر سالدارعا اكەپ سوعادى.
ءار سوتتالۋشىعا 4 جىل 6 اي مەرزىمگە باس بوستاندىعىنان ايىرۋ جازاسى تاعايىندالدى. ولار جازاسىن قاۋىپسىزدىگى ەڭ تومەن مەكەمەدە وتەيدى.
بادام وزەنىندەگى بالىقتاردىڭ جاپپاي قىرىلۋىنا نە سەبەپ بولدى؟
ۇكىم زاڭدى كۇشىنە ەنگەن جوق.