قىرعىز رەسپۋبليكاسىنىڭ قاۋىپسىزدىك كەڭەسى 22 ناۋرىزدان باستاپ ەل اۋماعىندا توتەنشە جاعداي رەجيمىن ەنگىزۋگە ۇسىنىس جاسادى. بۇل تۋرالى كابار اگەنتتىگى حابارلادى.
اگەنتتىكتىڭ مالىمدەۋىنشە, بۇگىن, 21 ناۋرىزدا قىرعىزستان پرەزيدەنتى سوورونباي جەەنبەكوۆتىڭ توراعالىعىمەن قاۋىپسىزدىك كەڭەسىنىڭ كەزەكتى وتىرىسى ءوتتى. شاعىن قۇرامداعى وتىرىسقا مەملەكەتتىك ورگانداردىڭ باسشىلارى, ۇكىمەتتىڭ شۋ وبلىسىنداعى وكىلەتتى وكىلى, بىشكەك مەرى قاتىسقان.
«بۇل ماسەلەنى تالقىلاۋ ناتيجەسىندە شاعىن قۇرامداعى قاۋىپسىزدىك كەڭەسى وتىرىسىنا قاتىسۋشىلاردىڭ ۇسىنىستارى ەسكەرىلە كەلە شەشىم قابىلداندى. اتالعان شەشىمگە سايكەس, قىرىز رەسپۋبليكاسىنىڭ پرەمەر-ءمينيسترى 2020 جىلىدڭ 22 ناۋرىزىنان باستاپ ەل اۋماعىندا 1 اي مەرزىمگە توتەنشە جاعداي ەنگىزۋ تۋرالى ۇسىنىس جاسايدى. قىرعىز رەسپۋبليكاسى ۇكىمەتىنە قاۋىپسىزدىك كەڭەسى حاتشىلىعىمەن بىرگە توتەنشە جاعداي جاريالانعان جاعدايدا جەدەل ارەكەت ەتۋدىڭ ءتيىستى جوسپارىن ازىرلەۋ تاپسىرىلدى», - دەپ جازادى اگەنتتىك.