الماتىدا مەديتسينالىق بەتپەردەلەردى قىمبات باعادا ساتقاندار ۇستالدى. بۇل تۋرالى قارجى مونيتورينگى كوميتەتىنىڭ ءباسپاسوز قىزمەتى حابارلادى.
تەرگەۋ بارىسىندا الىپساتارلار قالاداعى ءتورت نۇكتەدە مەديتسينالىق ماسكالاردى ەشقانداي قۇجاتسىز جانە باعاسىن شامادان تىس كوتەرىپ ساتقانى انىقتالدى.
ءتارتىپ ساقشىلارى 1 ملن 53 مىڭ 520 ماسكانى تاركىلەگەن. تاۋاردىڭ جالپى سومماسى 191 ملن تەڭگەنى قۇرايدى. بۇگىندە تاركىلەنگەن مەديتسينالىق ماسكالار قالالىق قوعامدىق دەنساۋلىق باسقارماسىنا تاپسىرىلدى. قازىرگى ۋاقىتتا اتالعان فاكتىلەر بويىنشا قازاقستان رەسپۋبليكاسى قىلمىستىق كودەكسىنىڭ 214-بابىنىڭ 1-بولىگى بويىنشا سوتقا دەيىنگى تەرگەۋ امالدارى باستالعان.