كارانتينگە بايلانىستى ءىس-ساپارمەن وزگە وڭىرلەردە جۇرگەن ازاماتتار ءۇشىن قانداي شارالار قولدانىلاتىنىن ەڭبەك جانە الەۋمەتتىك قورعاۋ ءمينيسترى ءبىرجان نۇرىمبەتوۆ ايتىپ بەردى.
• نۇر-سۇلتان, الماتى قالالارىندا جۇمىس ىستەيتىن ازاماتتار سىرتتا قالىپ قالعان بولسا, ونىڭ ىشىندە جۇمىس ءىس-ساپارىمەن جۇرگەندەر ءوزىنىڭ تۇرعىلىقتى مەكەن-جايىنا, جۇمىسىنا قايتۋعا مۇمكىندىگى بار.
• نۇر-سۇلتان, الماتى قالالارىنا وزگە وڭىرلەردەن جۇمىس ساپارىمەن كەلگەن ادامدار دا ء وز ۇيلەرىنە, جۇمىس ورىندارىنا قايتا الادى.
• نۇر-سۇلتان, الماتى قالالارىندا جۇمىس ىستەپ, قالا سىرتىندا تۇراتىن ازاماتتار ۇيدەن جۇمىس ىستەي المايتىن جاعدايدا جۇمىس ورىندارىنا كىرۋگە مۇمكىندىك الادى. جۇمىس بەرۋشىلەردىڭ تاپسىرىسى بويىنشا اكىمدىكتەر رۇقسات بەرەدى.
مينيستر, جۇمىس بەرۋشىلەردى قىزمەتكەرلەر الدىندا الەۋمەتتىك جاۋاپكەرشىلىككە شاقىردى.
ولاردىڭ سونداي-اق جۇمىسشىلاردىڭ قۇقىقتارىن ورىنداۋعا, جۇمىسىن, تابىسىن ساقتاۋ ماقساتىندا قىسقارتۋعا بارماي, ەڭبەك كودەكسىندە قاراستىرىلعان شارالاردى تولىعىمەن ورىنداۋى سۇرالدى.