بريتاندىق The Telegraph باسىلىمى قازاقستاننىڭ ەڭ كورىكتى جەرى – ماڭعىستاۋدىڭ بوزجىرا شاتقالىن «اركىم ومىرىندە ءبىر رەت بولسا دا بارۋى كەرەك توپ 10 ءشول» تىزىمىنە ەنگىزدى, دەپ حابارلايدى Egemen.kz.
شەكسىزدىككە سوزىلعان شولدەر – ويىسى جيناقى, شىتىرمانعا قۇمار ساياحاتشىلار ءۇشىن شابىت كوزى. ۇنسىزدىك, جالعىزدىق پەن مينيماليستىك سۇلۋلىققا يە بۇل قۇرعاق ايماقتاردا ءاربىر ساياحاتشى ەرەكشە تاجىريبە الادى.
ماتەريالدىڭ اۆتورى – 25 جىلدان بەرى الەمنىڭ ءار تۇكپىرىن ارالاپ جۇرگەن ساياحاتشى-جۋرناليست سارا مارشالل. ول «اركىم ومىرىندە ءبىر رەت بولسا دا بارۋى كەرەك توپ 10 ءشولدى» وقىرمانداردىڭ نازارىنا ۇسىندى. ولاردىڭ قاتارىندا:
1. ساحارا, افريكا;
2. اتاكاما, چيلي;
3. ناميب, ناميبيا;
4. انتاركتيدا;
5. ۆادي رۋم, يوردانيا;
6. كالاحاري, وڭتۇستىك افريكا;
7. گوبي, موڭعوليا;
8. كولورادو پلاتوسى, اقش;
9. ماڭعىستاۋ, قازاقستان;
10. Empty Quarter (رۋب’ ال-حالي), ارابيا تۇبەگى كىردى.
ايتا كەتەيىك, اۆتور ماقالاسىندا Mangystau ءوڭىرىن كاسپي جاعالاۋىنداعى گەولوگيالىق عاجايىپتارعا تولى مەكەن رەتىندە سيپاتتايدى. اسىرەسە ءۇستىرت جازىعىنداعى بوزجىرا شاتقالىنىڭ الىپ اكتاستى شىڭدارى مەن وزگەشە لاندشافتىنا ەرەكشە توقتالعان. ونىڭ ايتۋىنشا, بۇل ايماق – تۋريستىك ينفراقۇرىلىم ەندى دامىپ كەلە جاتقان, سوندىقتان قازىر بارساڭ, تابيعاتتىڭ تۇمسا سۇلۋلىعىن كوپشىلىكسىز تاماشالاۋعا مۇمكىندىك بار باعىتتاردىڭ ءبىرى.
قىسقى تۋريزمگە قىزىعۋشىلىق ارتىپ كەلەدى
وسىلايشا, ماڭعىستاۋداعى بوزجىرا شاتقالى الەمدىك دەڭگەيدەگى بىرەگەي تابيعي باعىت رەتىندە حالىقارالىق باق نازارىن تاعى ءبىر مارتە اۋداردى.
2026 جىلى قايدا بارامىز؟ تۋريزم مينيسترلىگى مادەني-تۋريستىك ءىس-شارالار كۇنتىزبەسىن جاريالادى