قازاقستان ۇلتتىق قۇراماسىنىڭ باس باپكەرى تالعات بايسۋفينوۆ ناۋرىز ايىنداعى رەسمي ويىندارعا «توبىل» كاپيتانى اسحات تاعىبەرگەندى شاقىرۋ مۇمكىندىگىن قاراستىرىپ جاتىر, دەپ حابارلايدى Egemen.kz.
35 جاستاعى ورتالىق جارتىلاي قورعاۋشىنىڭ جاقسى ويىنى مەن ءدال وسى پوزيتسياداعى فۋتبولشىلاردىڭ ازدىعى اسحات تاعىبەرگەننىڭ قۇراماعا قايتا ورالۋىنا سەپتىگىن تيگىزەدى.
تالعات بايسۋفينوۆ «توبىلدىڭ» رەسەيلىك «احمات» كومانداسىنا قارسى باقىلاۋ ويىنىن كورىپ, تاجىريبەلى ويىنشىنىڭ گروزنىيلىقتارعا گول سوققانىن تاماشالادى. ماتچ قوستانايلىقتاردىڭ جەڭىسىمەن اياقتالدى. ەسەپ – 2:1. قازىرگى ۋاقىتتا اسحات تاعىبەرگەننىڭ ۇلتتىق قۇرامعا ورالۋ تۋرالى ويى جونىندە پىكىرى بەلگىسىز, الايدا بۇل تاقىرىپتا باس باپكەرمەن اڭگىمە الداعى ۋاقىتتا ءوتۋى مۇمكىن.
«وقجەتپەس» فۋتبول كلۋبى جەكەمەنشىك باسقارۋعا ءوتتى
ايتا كەتەيىك, وتكەن جىلعى ماۋسىمدا اسحات تاعىبەرگەن ۇلتتىق قۇراماداعى مانسابىن اياقتاعان بولاتىن. ۇلتتىق قۇرامادا ول 65 ماتچ وتكىزىپ, ءتورت گول سوققان.
سونىمەن قاتار, FIFA Series 2026 ءتۋرنيرى اياسىندا قازاقستان قۇراماسى 25 ناۋرىزدا كومور ارالدارىنا قارسى وينايدى, ال 28 ناۋرىزدا العاشقى ويىنداردىڭ جەڭىمپازدارى مەن جەڭىلگەندەرى (كۋۆەيت–ناميبيا) اراسىنداعى ماتچتار وتەدى. بارلىق كەزدەسۋلەر «استانا ارەنا» ستاديونىندا وتەدى.
«ورداباسى» فۋتبول كلۋبى جەكەمەنشىككە ساتىلدى