19 اقپاندا اباي وبلىسى ومبى – مايقاپشاعاي تاسجولىندا جول اپاتى بولىپ, ءتورت ادام قازا تاپتى, دەپ حابارلايدى Egemen.kz.
پوليتسيانىڭ مالىمەتىنشە, ساعات 15:25-تە «102» ارناسىنا جول-كولىك وقيعاسى تۋرالى حابارلاما تۇسكەن. الدىن الا دەرەكتەر بويىنشا, رەسپۋبليكالىق ماڭىزى بار تاسجولدىڭ 867-شاقىرىمىندا, سالقىن-توبە اۋىلى ماڭىندا Lada Priora جانە Chevrolet Cobalt كولىكتەرى بەتپە-بەت سوقتىعىسقان.
جول اپاتى سالدارىنان ءتورت ادام وقيعا ورنىندا كوز جۇمدى. تاعى ءۇش ادام ءتۇرلى دەنە جاراقاتتارىن الىپ, مەديتسينالىق مەكەمەگە جەتكىزىلدى.
اتالعان دەرەك بويىنشا سوتقا دەيىنگى تەرگەۋ باستالدى. وقيعانىڭ ءمان-جايى مەن سەبەپتەرى انىقتالىپ جاتىر.
ايتا كەتەيىك, الماتى وبلىسىندا بەس كولىكتىڭ قاتىسۋىمەن جاپپاي جول اپاتى بولعان ەدى.