اتىراۋدا پوليتسيا قىزمەتكەرلەرى قالا ماڭىنداعى جۇمىسكەر كەنتىنىڭ تۇرعىنىنان 4 قاپقا سالىنعان بەكىرە تۇقىمداس بالىقتى تاركىلەدى. بۇل تۋرالى اتىراۋ وبلىستىق پوليتسيا دەپارتامەنتى حابارلادى.
تاركىلەنگەن باعالى بەكىرە تۇقىمداس بالىقتىڭ سالماعى – 126 كەلى.
ء«تارتىپ ساقشىلارى بالىقتى قالا ماڭىندا ورنالاسقان جۇمىسكەر كەنتىنىڭ 1988 جىلعى تۇرعىنىنان تاۋىپ, تاركىلەدى. سوتقا دەيىنگى تەرگەپ-تەكسەرۋ قازاقستان رەسپۋبليكاسى قىلمىستىق كودەكستىڭ 339-بابىنىڭ 1-بولىگىمەن (جانۋارلاردىڭ سيرەك كەزدەسەتىن جانە قۇرىپ كەتۋ قاۋپى تونگەن, سونداي-اق, پايدالانۋعا تىيىم سالىنعان تۇرلەرىمەن زاڭسىز اينالىسۋ) جۇرگىزىلۋدە», دەپ حابارلادى اتىراۋ وبلىستىق پوليتسيا دەپارتامەنتىنىڭ ءباسپاسوز قىزمەتى.
«بەكىرە» اكتسياسىن وتكىزۋ كەزىندە تابيعاتتى قورعاۋ زاڭناماسىن بۇزۋعا قاتىستى 700-دەي فاكتى انىقتالىپ, زاڭسىز اۋلانعان 6 توننادان استام بالىق ونىمدەرى, قۇقىق بۇزۋشىلاردان 10 قايىق تاركىلەنىپ, ايىپتۇراققا جەتكىزىلگەن.
پوليتسيا قىزمەتكەرلەرى تاركىلەنگەن بەكىرە بالىعىن «جايىق-اتىراۋ» بەكىرە بالىعىن ءوسىرۋ زاۋىتىنا وتكىزدى.