ساۋدا جانە ينتەگراتسيا ءمينيسترىنىڭ ورىنباسارى قايرات تورەباەۆ بەلارۋس رەسپۋبليكاسىنىڭ مونوپولياعا قارسى رەتتەۋ جانە ساۋدا ءمينيسترىنىڭ ءبىرىنشى ورىنباسارى يۆان ۆەجنوۆەتسپەن كەزدەسۋ وتكىزدى.
قازاقستان دەلەگاتسياسى بەلارۋس رەسپۋبليكاسىنا ساۋدا-ەكونوميكالىق ميسسياسىمەن باردى. قازاقستاندىق دەلەگاتسيانى ساۋدا جانە ينتەگراتسيا ۆيتسە-ءمينيسترى قايرات تورەباەۆ باستادى.
تاراپتار الەۋمەتتىك ماڭىزى بار ازىق-ت ۇلىك تاۋارلارىنا باعانى رەتتەۋدەگى ەلدەردىڭ تاجىريبەسىن جانە ادىلەتسىز باسەكەلەستىككە قارسى كۇرەس شارالارىن تالقىلادى.
«نارىقتىق ەكونوميكا جاعدايىندا باعانى تۇراقتاندىرۋ وتە قيىن. تىيىم سالاتىن ادىستەرمەن نارىقتى تەڭەۋ مۇمكىن ەمەس بولعاندىقتان, ءبىز الەۋمەتتىك ماڭىزى بار ازىق-ت ۇلىك تاۋارلارى باعاسىن تۇراقتاندىرۋعا جۇمىس ىستەيمىز. بىلتىر نارىقتىق باعادان تومەن باعامەن الەۋمەتتىك ماڭىزى بار ازىق-ت ۇلىك تاۋارلارىن ساتۋ جونىندەگى مىندەتتەمەمەن اينالىم قاراجاتىن تولىقتىرۋعا ساۋدا جەلىلەرىنە قارىز بەرۋدىڭ «اينالىم سحەماسى» ىسكە قوسىلدى. راديكالدى شارالار دا بىزدە بار: الەۋمەتتىك ماڭىزى بار ازىق-ت ۇلىك تاۋارلارىنا بولشەك ساۋدا باعالارىنىڭ شەكتى مانىنەن اسىپ كەتكەن جاعدايدا ولارعا شەكتى رۇقسات ەتىلگەن بولشەك ساۋدا باعالارىنىڭ مولشەرى جىل ىشىندە 90 كۇنگە دەيىن بەلگىلەنۋى مۇمكىن», دەدى ق.تورەباەۆ.
ول سونداي-اق دەلدالدارمەن كۇرەس اياسىندا قازاقستان قازىرگى زامانعى تاۋار وتكىزۋ جۇيەسىن, كوتەرمە-تاراتۋ جانە اگرولوگيستيكالىق ورتالىقتار جەلىسىن قۇرۋ بويىنشا جۇمىس جۇرگىزىپ جاتقانىن جەتكىزدى.
بەلارۋس تارابىن قازاقستاننىڭ تۇراقتاندىرۋ قورلارى ارقىلى باعانىڭ ءوسۋىن تەجەۋ بويىنشا تاجىريبەسى قىزىقتىردى. ولار سونداي-اق نۇر-سۇلتانداعى ساۋدا جەلىلەرىمەن رەترو-بونۋستار بويىنشا جۇمىس ىستەۋ تاجىريبەسىنە قاتىستى اقپاراتپەن ءبولىسۋدى سۇرادى.
تاراپتار ەكونوميكانىڭ تسيفرلى وزگەرۋى, سونداي-اق ازىق-ت ۇلىك تاۋارلارىنىڭ بيرجالىق ساۋداسى جاعدايىندا تۇتىنۋشىلاردىڭ قۇقىقتارىن قورعاۋ بويىنشا مەملەكەتتەردىڭ تاجىريبەسىن تالقىلادى.
قازاقستان تارابى مينسكىنىڭ مامانداندىرىلعان يمپورتتاۋشى ينستيتۋتىن ساقتاپ وتىرعانىن ماسەلە رەتىندە كوتەردى, بۇل ەاەو ەلدەرىنىڭ الكوگولدىك ءونىم وندىرۋشىلەرىنىڭ بەلارۋس نارىعىنداعى باسەكەگە قابىلەتتىلىگىن ايتارلىقتاي شەكتەيدى. اتاپ ايتقاندا, قايرات تورەباەۆ قازاقستاندىق كومپانيالاردىڭ مامانداندىرىلعان قىزمەتتەردى ىرىكتەۋ كونكۋرسىنا قاتىسۋعا زاڭدى مۇمكىندىگىنە قاراماستان, كونكۋرستىق ىرىكتەۋ راسىمدەرىنىڭ ايقىندىلىعىن اكىمشىلەندىرۋ سوڭعى كەزەڭدە مۇمكىن ەمەستىگىن ايتتى. «كوميسسيا وتىرىسى جابىق رەجىمدە وتەدى. قورىتىندى شەشىم قابىلداۋ ءپرينتسيپىن ناقتى باقىلاۋعا مۇمكىندىك جوق», دەدى ق.تورەباەۆ.
جالپى, تاراپتار ەلدەرىمىزدىڭ ساۋدا قىزمەتىن رەتتەۋ, تۇتىنۋشىلاردىڭ مۇددەلەرىن قورعاۋ جانە سالاماتتى باسەكەلەستىكتى قامتاماسىز ەتۋ بولىگىندە مينيسترلىكتەر اراسىنداعى ىنتىماقتاستىقتى جانە اقپارات الماسۋدى تەرەڭدەتۋ قاجەتتىلىگى تۋرالى پىكىرگە كەلدى.
قورىتىندىسىندا ەلىمىزدىڭ ساۋدا جانە ينتەگراتسيا مينيسترلىگى مەن بەلارۋس مونوپولياعا قارسى رەتتەۋ جانە ساۋدا مينيسترلىگى ساۋدا جانە قوعامدىق تاماقتانۋدى رەتتەۋ, ىشكى تۇتىنۋ نارىعىن قورعاۋ سالاسىنداعى ىنتىماقتاستىق تۋرالى مەموراندۋمعا قول قويدى.