قازاقستاننىڭ شۆەيتسارياداعى ەلشىلىگى قازاقتىڭ ۇلى اقىنى ابايدىڭ 175 جىلدىعىنا جانە تۇركى فيلوسوفى Əبۋ ناسىر əل-ءفارابيدىڭ 1150 جىلدىعىنا ارنالعان مەرەيتويلىق پوچتا ماركالارىن شىعارۋ تۋرالى باستاما كوتەردى. بۇل تۋرالى سىرتقى ىستەر مينيسترلىگىنىڭ ءباسپاسوز قىزمەتى حابارلادى.
ەلشىلىك شىعارىلعان پوشتا ماركالارىن كۇندەلىكتى ىسكەرلىك حات الماسۋدا قولدانادى جانە ەستەلىك ماركالاردى بولۋ ەلىندە تاراتۋ جونىندە كەلىسسوزدەر جۇرگىزۋدە.
شۆەيتساريادا بىرنەشە رەت حالىقارالىق فيلاتەليالىق كورمەلەر ءوتىپ, بۇل مەملەكەتتىڭ پوشتاسى مەن پوشتا ماركالارى – ەلدىڭ باستى برەندتەرىنىڭ ءبىرى. SwissPost ماركالارى كوللەكتسيونەر مەن تۋريستەر اراسىندا وتە تانىمال؟ ال بۇل كومپانيانىڭ حات اينالىمى جىلىنا 2 ملرد. حاتقا دەيىن جەتەدى.
شۆەيتساريادا زاماناۋي تسيفرلىق تەحنولوگيالار مەن ەلەكتروندىق قىزمەتتەردىڭ جوعارى دامۋىنا قاراماستان, پوشتا ەڭ تانىمال بايلانىس رەسۋرستارىنىڭ ءبىرى بولىپ تابىلادى. بۇل تەك ەلدىڭ ازاماتتارى مەن تۇرعىندارىنا عانا ەمەس, سونىمەن قاتار كومپانيالار, حالىقارالىق ۇيىمدار, فەدەرالدى, كانتوندىق جانە مۋنيتسيپالدى ورگاندارعا دا قاتىستى.