شىمكەنتتە زاڭسىز كوشى-قون ارناسىن ۇيىمداستىرىپ كەلگەن قىلمىستىق توپتىڭ قىزمەتى توقتاتىلدى. كۇدىكتىلەر اقشالاي سىيلىقاقى ءۇشىن ميگرانتتاردى تىيىم سالىنعان ارەكەتتەر نەگىزىندە زاڭداستىرعان, دەپ جازادى Egemen.kz.
ىشكى ىستەر مينيسترلىگى مەن پروكۋراتۋرانىڭ ۇيلەستىرۋمەن جۇرگىزىلگەن وپەراتسيا بارىسىندا 28 ءتىنتۋ ءىس-شاراسى جۇرگىزىلگەن.
ناتيجەسىندە ونداعان شەتەلدىكتەن پاسپورت, ۇيىمداستىرۋ تەحنيكاسى, بايلانىس قۇرالدارى, ءتۇرلى بلانكىلەر مەن جالعان ەڭبەك شارتتارى تاركىلەندى. سونىمەن قاتار ءىرى كولەمدەگى اقشا جانە تىركەلمەگەن قارۋ الىندى.
ە.كوشەرباەۆ بىشكەكتە زاڭسىز كوشى-قون مەن ەكسترەميزمگە قارسى كۇش بىرىكتىرۋدى ۇسىندى
ال قىلمىستىق توپتىڭ ۇيىمداستىرۋشىسى ۋاقىتشا ۇستاۋ يزولياتورىنا قامالدى. اتالعان ىسكە قاتىسى بار 13 ادام پوليتسياعا جەتكىزىلىپ, سوتقا دەيىنگى تەرگەپ-تەكسەرۋ باستالدى. ىشكى ىستەر مينيسترلىگى كوشى-قون زاڭناماسىن بۇزۋدىڭ كەز كەلگەن فاكتىسى تەكسەرىلەتىنىن ەسكەرتىپ وتىر.
كوشى-قون زاڭناماسىن بۇزعان 121 شەتەلدىك ەلدەن شىعارىلدى