ءماجىلىس توراعاسى نۇرلان نىعماتۋلين 13-15 قاراشادا رەسمي ساپارمەن ۆەتنام سوتسياليستىك رەسپۋبليكاسىنا بارادى. بۇل تۋرالى پارلامەنت پالاتاسىنىڭ ءباسپاسوز قىزمەتى حابارلادى.
ساپار بارىسىندا ۆەتنام ۇلتتىق جينالىسىنىڭ توراعاسى نگۋەن تحي كيم نگانمەن جانە وسى ەلدىڭ جوعارى مەملەكەتتىك بيلىك ورگاندارىنىڭ باسشىلارىمەن كەلىسسوزدەر وتكىزۋ جوسپارلانعان.
سونداي-اق نۇرلان نىعماتۋلين حانوي ۋنيۆەرسيتەتىنىڭ پروفەسسورلىق–وقىتۋشىلار قۇرامىمەن كەزدەسىپ, اباي اتىنداعى عىلىمي جانە مادەني ورتالىعىنا بارادى.
دانانگ قالاسىنداعى كەلىسسوزدەر بارىسىندا قازاقستاندىق-ۆەتنامدىق ىنتىماقتاستىقتىڭ پەرسپەكتيۆالىق باعىتتارى تالقىلانادى. وندا ءماجىلىس توراعاسى ۆەتنامنىڭ ەكونوميكالىق مۇمكىندىكتەرىمەن تانىسادى.