پرەزيدەنت قاسىم-جومارت توقاەۆتىڭ جولداۋى قوعامدا ەرەكشە پىكىرتالاس تۋدىرعان, ەل نازارىندا جۇرگەن وزەكتى ماسەلەلەرگە ارنالدى. مەملەكەت باسشىسى كوكەيكەستى ماسەلەلەردى بارىنشا ءتيىمدى تاسىلدەرمەن, ساتىلاپ شەشۋ جولدارىن ۇسىندى.
جولداۋدى ازىرلەۋ ءۇشىن تەرەڭ ەكونوميكالىق, الەۋمەتتىك تالداۋ جۇمىستارى جۇرگىزىلگەنى بايقالادى. ونىڭ مازمۇنىندا الەۋمەتتىك مەملەكەت باعىتىنا باسا ءمان بەرىلگەنى, مەملەكەتتىك اپپاراتتىڭ ساپاسىن ارتتىرۋ, ەكونوميكاداعى مەملەكەتتىڭ قاتىسۋىن ازايتۋ, كاسىپكەرلىكتى قولداۋ سەكىلدى ىرگەلى شارالار, قوعام مەن مەملەكەت اراسىنداعى ديالوگتىڭ دامۋى ەكونوميكالىق دامۋدى جاڭا باعىتقا باستايدى.
جاھاندىق ەكونوميكالىق, ساياسي احۋالداردىڭ قۇبىلمالى كەزەڭىندە مەملەكەتتەر اراسىنداعى ساياسي, ساۋدا-ەكونوميكالىق تەكەتىرەستەر بەلەڭ العان تۇستا, الەمدىك ەكونوميكانىڭ قارقىنى باياۋلاعان, ەۋروپاداعى جاڭا ەكونوميكالىق رەتسەسسيا بولجانعان ۋاقىتتا ەكونوميكالىق تۇراقتىلىق پەن ءوسىم, ينۆەستيتسيالار اعىنىنىڭ قارقىندىلىعى قازاقستان ءۇشىن ەرەكشە ماڭىزعا يە. وسى رەتتە جولداۋدا ايتىلعان ۇلتتىق قور قاراجاتىن ستراتەگيالىق ماڭىزدى ماقساتقا ساي جۇمساۋ, شامادان تىس كوپ كۆازيمەملەكەتتىك سەكتور ۇلەسىن ازايتۋ, ازاماتتاردىڭ كاسىپكەرلىك باستامالارىن ىنتالاندىرۋ سايىپ كەلگەندە ەلدىڭ ماكروەكونوميكالىق تۇراقتىلىقتى, ساياسي جانە سوت رەفورمالارىنىڭ ەكونوميكا مەن ازاماتتاردىڭ كوڭىل كۇيى مەن ءال-اۋقاتىنا وڭ اسەر ەتۋىن كوزدەيدى.
قورىتا ايتقاندا, مەملەكەت باسشىسىنىڭ قازاقستان حالقىنا جولداۋى قوعامنىڭ قاجەتتىلىگىن قاناعاتتاندىرا وتىرىپ, ورتا مەرزىمدەگى ەل دامۋىنىڭ ستراتەگيالىق باسىمدىقتارىن بەلگىلەپ بەردى.
ايبول ارعىنعازينوۆ,«ەكونوميكالىق زەرتتەۋلەر ينستيتۋتى» اق تالداۋ جانە الەمدىك ەكونوميكا ورتالىعىنىڭ ديرەكتورى