مەملەكەت باسشىسى قاسىم-جومارت توقاەۆ قازاقستاننىڭ ءۇندىستان مەن شۆەيتسارياداعى جاڭادان تاعايىندالعان ەلشىلەرىن قابىلدادى, دەپ حابارلادى پرەزيدەنتتىڭ ءباسپاسوز قىزمەتى.
پرەزيدەنت قاسىم-جومارت توقاەۆ قازاقستان رەسپۋبليكاسىنىڭ ءۇندىستان, شۆەيتساريا مەملەكەتتەرىنە جاڭادان تاعايىندالعان توتەنشە جانە وكىلەتتى ەلشىلەرى ەرلان الىمباەۆ پەن الىبەك باقاەۆتى قابىلدادى.
مەملەكەت باسشىسى ەرلان الىمباەۆقا ۇندىستانمەن اراداعى ساۋدا-ەكونوميكالىق, ينۆەستيتسيالىق قارىم-قاتىناستى نىعايتۋدى, سونداي-اق تۋريستىك باعىتتاعى بايلانىستى جانداندىرۋدى تاپسىردى. اتاپ ايتقاندا, التىن وردانىڭ 750 جىلدىعىنا جانە باسقا دا ايتۋلى شارالارعا باسىمدىق بەرۋ كەرەكتىگىن اتاپ ايتتى.
ال الىبەك باقاەۆقا شۆەيتساريامەن وسىعان دەيىن قالىپتاسقان ساياسي, ساۋدا-ەكونوميكالىق قاتىناستى جاڭا دەڭگەيگە كوتەرۋ تاپسىرىلدى.