4-9 قىركۇيەك كۇندەرى توكيودا كاراتەدەن پرەمەر-ليگا كەزەڭى ءوتتى. رەيتينگىلىك تۋرنيرگە الەمنىڭ 79 ەلىنەن 650 سپورتشى قاتىسىپ, قازاقستاندىق دارحان ءاسادىلوۆ جەڭىمپاز اتاندى. بۇل تۋرالى olympic.kz حابارلادى.
ء«ار تۋرنير سايىن جارىسقا قاتىسۋشىلار سانى ازايىپ كەلەدى. بۇل ءبىر جاعىنان دۇرىس نارسە. ويتكەنى, كاراتەدە باسەكەلەستىك دەڭگەيى وتە جوعارى, كەيبىرىنىڭ جارىستى ءارى قاراي جالعاستىرۋعا مۇلدەم مۇمكىندىگى جوق. بىراق توكيوداعى تۋرنيرگە سپورتشىلار تىم كوپ جينالدى. 79 ەلدەن 650 كاراتەشى كەلدى. ال وسىنىڭ الدىندا وتكەن شانحايداعى پرەمەر-ليگا كەزەڭىندە 550 سپورتشى باق سىناعان بولاتىن. بۇل باسەكەنىڭ الدىندا ەۋروپالىقتار ءۇش اي, ازيالىقتار ءبىر جارىم اي دەمالدى. مۇنداي تۇراقسىزدىقتىڭ سپورتقا تيگىزەر كەرى اسەرى كوپ. دەگەنمەن, ءبىزدىڭ سپورتشىلاردىڭ اياق الىسى جامان ەمەس. كوماندا مۇشەلەرى ءوز الەۋەتىن تولىق كورسەتپەسە دە, جۇلدەسىز قالعان جوقپىز. جىل سوڭىنا دەيىن ءبىزدى تاعى ەكى جارىس كۇتىپ تۇر. پرەمەر-ليگانىڭ كەلەسى اينالىمى قازان ايىندا ماسكەۋدە وتەدى», دەدى باس باپكەر جاستالاپ ساناۋوۆ.
ايتا كەتەيىك, قازاقستاندىق دارحان ءاسادىلوۆ 60 كەلىدە توپ جارىپ, جەڭىمپاز اتاندى.