اممان قالاسىندا قازاقستان رەسپۋبليكاسىنىڭ يوردان حاشيميت كورولدىگىندەگى ەلشىسى ايداربەك تۇماتوۆ يوردانيا كورولىنە سەنىم گراموتالارىن تاپسىردى. بۇل تۋرالى ءسىم ءباسپاسوز قىزمەتى حابارلادى.
«باسمان» كورولدىك سارايىندا وتكەن رەسمي ءىس-شارا شەڭبەرىندە ەلشى مەملەكەت باسشىلىعىنىڭ ەكى ەل اراسىنداعى دوستىق پەن ىنتىماقتاستىقتى ودان ءارى جان-جاقتى نىعايتۋ بويىنشا دايەكتى باعدارىن راستادى.
ءوز كەزەگىندە يوردانيا مونارحى ەكىجاقتى قاتىناستاردىڭ تۇراقتى دامىپ كەلە جاتقانىن جوعارى باعالادى. سونداي-اق قازاقستاننىڭ باسشىلىعىنا ءوزىنىڭ جىلى لەبىزىن جەتكىزۋدى سۇرادى.
سول كۇنى بەلارۋس, گرەتسيا, ەۋروپالىق وداق, قاتار, ماروككو, ءۇندىستان, فرانتسيا جانە ءچيليدىڭ جاڭا ەلشىلەرى دە يوردانيا كورولىنە سەنىم گراموتالارىن تاپسىردى.