16 قىركۇيەك كۇنى تايلاندتىڭ پاتتايا قالاسىندا اۋىر اتلەتيكادان 85-ءشى الەم چەمپيوناتى باستالادى. وسى ورايدا, قازاقستان كومانداسىنىڭ باپكەرلەر كەڭەسى الەم بىرىنشىلىگىنە قاتىساتىن سپورتشىلار ءتىزىمىن اتادى. بۇل تۋرالى Olympic.kz حابارلادى.
ايەلدەر اراسىنداعى باسەكەدە قازاقستاننان ەكى سپورتشى باق سىنايدى. ولار – ءزۇلفيا چينشانلو (55 كەلى) جانە ەكاتەرينا بىكوۆا (71 كەلى).
قازاقستان ەرلەر كومانداسىنىڭ ءتىزىمى تومەندەگىدەي:
55 كەلى: ارلي چونتەي, يگور سون
89 كەلى: دەنيس ۋلانوۆ
81 كەلى: نيحات راحىموۆ, ايدار قازوۆ
96 كەلى: يليا يلين
109 كەلى: يبراگيم بەرسانوۆ
پاتتاياداعى الەم چەمپيوناتى وليمپياداعا ىرىكتەۋ تۋرنيرلەرىنىڭ ساناتىنا جاتادى. 27 قىركۇيەك كۇنى مارەسىنە جەتەتىن جارىستا ەرلەر مەن ايەلدەر توعىز مەدال جيىنتىعىن ساراپقا سالادى.