اقتاۋداعى 25744 اسكەري ءبولىمىنىڭ بازاسىندا «باتىس» وڭىرلىك قولباسشىلىعىنىڭ تاربيەشى وفيتسەرلەرىمەن وقۋ-جيىنى ءوتتى. جيىنعا اتىراۋ, اقتاۋ جانە اقتوبە گارنيزوندارىنداعى اسكەري ءبولىم كومانديرلەرىنىڭ تاربيە جانە يدەولوگيالىق جۇمىستارى جونىندەگى ورىنباسارلارى, پسيحولوگ-وفيتسەرلەرى جانە اسكەري قىزمەتشىلەردىڭ وتباسىمەن جۇمىستى ۇيىمداستىرۋ قىزمەتىنىڭ وكىلدەرى قاتىستى.
جيىننىڭ باستى ماسەلەسى رەتىندە تاربيە جانە يدەولوگيالىق جۇمىس ءۇردىسىنىڭ جەتىلدىرىلۋى, شەت ەل ارمياسىنىڭ تاربيە جۇمىسىن تساراپتاۋ, اسكەري ءتارتىپتى نىعايتۋداعى نوۆاتورلىق يدەيالاردى قاراستىرۋ بولىپ بەلگىلەندى.
جيىنعا قاتىسۋشالارمەن پسيحولوگيالىق زەردەلەۋ جۇمىستارى وتكىزىلىپ, باسشىلىق تالاپتارى مەن زاڭنامالىق اكتىلەر بويىنشا, ساۋالناما جۇرگىزۋ ءتارتىبى, مەرزىمدىك قىزمەتتەگى ساربازداردىڭ بوس ۋاقىتىن ۇيىمداستىرۋ, اسكەري قىزمەتشىنىڭ پسيحولوگيالىق پورترەتىن جاساۋ بويىنشا سىناقتار قابىلداندى.
-بۇگىنگى كۇنى, اسكەري قىزمەتشىلەردىڭ جەكە-مورالدىك قاسيەتتەرىن زەرتتەۋ قالىپتاسىپ قالعان شابلوندىق ارەكەتتەرگە جۇگىنبەي, ەرەكشە كوزقاراستى تالاپ ەتەدى. تاربيەشى وفيتسەردىڭ وسى كەزەكتەگى باستى تاپسىرماسى, اسكەري قىزمەتشىنىڭ ۇجىمى اراسىنداعى, سونىمەن قوسا مۇمكىندىگىنشە وتباسىنداعى وڭ احۋالدى قالىپتاستىرۋ بولىپ تابىلادى. بۇل رەتتە, قارۋلى كۇشتەردە قولدانىپ كەلە جاتقان «جاۋىنگەرلىك دوس» ەكى جاقتى باقىلاۋ جۇيەسى مەن اسكەري قىزمەتشىلەردىڭ وتباسىمەن جۇمىستى ۇيىمداستىرۋ قىزمەتى ۇلكەن جۇمىستى اتقارۋدا, دەيدى وڭىرلىك قولباسشىلىقتىڭ تاربيە جانە يدەولوگيالىق جۇمىستارى جونىندەگى ورىنباسارى پولكوۆنيك سەرىك سەيىتباەۆ.
قازاقستان رەسپۋبليكاسى قارۋلى كۇشتەرىندە كومانديرلەردىڭ تاربيە جانە الەۋمەتتىك-قۇقىقتىق جۇمىسارى جونىندەگى ورىنباسارلارى ينستيتۋتى وسىدان 26 جىل بۇرىن قالىپتاستى. وسى كۇندەرى, قارۋلى كۇشتەردە 1000-عا جۋىق تاربيەشى-وفيتسەرلەر قىزمەت ەتەدى. ولاردىڭ مويىندارىنا اسكەري قىزمەتتەگى ءتارتىپتى نىعايتۋ, قۇقىقتىق الدىن-الۋ جۇمىستارىن جۇرگىزۋ, جەكە قۇرامنىڭ الەۋمەتتىك ماسەلەلەرىن باقىلاۋ, مورالدىك-ونەگەلىك جاعدايدى جاقسارتۋ بويىنشا تاپسىرمالار جۇكتەلگەن.
ماڭعىستاۋ وبلىسى