تۋريستەردىڭ قىزۋعىشىلىعىن وياتۋ جانە دەمالۋشىلاردى تارتۋ ماقساتىندا مۇندا كوپتەگەن شارالار اتقارىلدى. قوسىمشا دەمالىس ورىندارى اشىلدى.
«شالقار-يمانتاۋ كۋرورتتىق ايماعىنىڭ دامۋىنا رەسپۋبليكالىق بيۋدجەتتەن قوماقتى قارجى ءبولىندى. سوڭعى 3 جىلدىڭ ىشىندە اۆتوموبيل جولدارىن جوندەۋگە 3 ميلليارد تەڭگە باعىتتالدى. قورعان, ومبى, تۇمەن باعىتتارى بويىنشا جول قالپىنا كەلتىرىلدى. بيىل زەرەندىگە بارار تاسجول كۇردەلى جوندەۋدەن وتەدى», دەدى تۋريستىك ماۋسىمنىڭ اشىلۋ سالتاناتىندا سويلەگەن سوزىندە ايماق باسشىسىنىڭ ورىنباسارى داۋرەن جانداربەك.
اۋداندىق تۋريزم ءبولىمىنىڭ جەتەكشىسى امانبەك ماحمەتوۆتىڭ ايتۋىنشا, 38 دەمالىس ورنى جۇمىس ىستەيدى. 5 جاڭا ورتالىق كۇردەلى جوندەۋدەن وتەدى. ەڭ ۇلكەن جوبا–«شالقار-سۋ» ءساناتوريى. ونى قالتالى ينۆەستورلار ءوز قامقورلىقتارىنا العان.
«اقبار» تۋريستىك كەشەنى كۇنىنە 200 ادام قابىلداي الادى. بىلتىر 4 مىڭ تۋريست دەمالىپتى. 12 كوتتەدج تۇرعىزىلىپتى. ارقايسىسى ىستىق سۋعا دەيىن جابدىقتالعان.
جازعى تۋريستىك ماۋسىمنىڭ اشىلۋىنا وراي جارمەڭكە دە ءوتتى. «KAZ SOUVENIR» كومپانياسى ەكولوگيالىق تازا شيكىزاتتان جاسالعان ء ارتۇرلى بۇيىمدار ۇسىندى.
«مەتالل سىنىقتارىن جيناپ, تازالايمىز. سوسىن وندەپ, ءتۇرلى بۇيىمدار ازىرلەيمىز. قالدىق اعاشتارىن دا كادەگە جاراتامىز. كادە سىيلارعا ۇسىنىس كوپ», دەيدى كومپانيانىڭ وكىلى الىشەر حامزين.
سولتۇستىك قازاقستان وبلىسى.