كۇندىزگى وقىتۋ فاكۋلتەتى كۋرسانتتارىنىڭ شىعارىلىمىنا ارنالعان سالتاناتتى راسىمگە قازاقستان رەسپۋبليكاسى ىشكى ىستەر ءمينيسترىنىڭ ورىنباسارى يۋ.يلين, ءىىم توتەنشە جاعدايلار كوميتەتىنىڭ توراعاسى ۆ.بەككەر, اقمولا وبلىسىنىڭ اكىمى ە.مارجىقپاەۆ, ازاماتتىق قورعاۋ ورگاندارىنىڭ ارداگەرلەرى, قۇقىق قورعاۋ جانە مەملەكەتتىك ورگانداردىڭ وكىلدەرى جانە باسقا قۇرمەتتى قوناقتار قاتىستى.
كوكشەتاۋ تەحنيكالىق ينستيتۋتى (كتي) كۇندىزگى وقۋ فاكۋلتەتىنىڭ كۋرسانتتارىنان باسقا بىرنەشە جىل بۇرىن وسى ينستيتۋتتان بارىپ رەسەي جانە بەلارۋس تجم جوعارى وقۋ ورىندارىندا ءبىلىم العان 34 جاس مامان دا ومىرگە جولداما الدى. سونىمەن قاتار كوكشەتاۋ تەحنيكالىق ينستيتۋتى حالىقارالىق كەلىسىمگە سايكەس ءتورتىنشى جىل قاتارىنان قىرعىزستان تجم ءۇشىن ماماندارىنىڭ شىعارىلىمىن وتكىزۋدە.
20 جىلدان استام ۋاقىت ىشىندە كوكشەتاۋ تەحنيكالىق ينستيتۋتى 4890 مامان دايىندادى, سونداي-اق شەتەلدىك وقۋ ورنىنىڭ تۇلەكتەرى, توتەنشە جاعدايلار كوميتەتىنىڭ 3661 قىزمەتكەرى ينستيتۋت قابىرعاسىندا قايتا دايىنداۋ جانە بىلىكتىلىكتى ارتتىرۋ كۋرستارىنان ءوتتى.
ازاماتتىق قورعاۋ سالاسىندا جوعارى بىلىكتى مامانداردى دايارلاۋمەن قاتار كوكشەتاۋ تەحنيكالىق ينستيتۋتى ءورت قاۋىپسىزدىگى, ءتوتەنشە جاعدايلاردا قورعاۋ جانە ازاماتتىق قورعانىس سالالارىنداعى عىلىمي-زەرتتەۋ جۇمىستارىمەن اينالىساتىن بولاشاق عالىمداردى, سونداي-اق سپورتشىلاردى دايىندايدى.
بارلىق تۇلەكتەر قازاقستان رەسپۋبليكاسى ءىىم توتەنشە جاعدايلار كوميتەتىنىڭ اۋماقتىق بولىمشەلەرىندەگى لاۋازىمدارعا تاعايىندالعان.
ءىس-شارا ءداستۇر بويىنشا اقمولا وبلىسى گارنيزونىنىڭ ءورت ءسوندىرۋ-قۇتقارۋ تەحنيكاسىنىڭ كورمەسىمەن, تۇلەكتەردىڭ اتا-انالارىن, ولاردىڭ جاقىندارى مەن جالپى قوناقتاردى جوعارى وقۋ ورنىنىڭ تاريحىمەن تانىستىرۋدان باستالدى.
شىعارىلىمنىڭ سالتاناتتى ءراسىمىن اشىق دەپ جاريالاعان ينستيتۋت باستىعى, ازاماتتىق قورعاۋ پولكوۆنيگى سىرىم ءشارىپحانوۆ ءوزىنىڭ سوزىندە ينستيتۋت تۇلەكتەرىنىڭ باسشىلىق لاۋازىمدارداعى قىزمەتى مەن باسقا كۇش قۇرىلىمدارىندا قاجەتتىلىگى باسىم مامانداردىڭ جوعارى دايىندىعىن كورسەتەتىنىنە نازار اۋداردى.
قازاقستان رەسپۋبليكاسى ىشكى ىستەر ءمينيسترىنىڭ ورىنباسارى يۋري يلين ءوزىنىڭ قۇتتىقتاۋ سوزىندە, جاس لەيتەنانتتاردى ينستيتۋتتى تابىستى ءبىتىرۋلەرىمەن, العاشقى وفيتسەرلىك اتاق الۋلارىمەن قۇتتىقتاپ, جاڭا كوزقاراستارى مەن زاماناۋي تاسىلدەرى بار جاستاردىڭ قازاقستان رەسپۋبليكاسىنىڭ تۇرعىندارى مەن اۋماعىن تابيعي جانە تەحنوگەندىك سيپاتتاعى توتەنشە جاعدايلاردان قورعاۋ ماسەلەلەرىن شەشۋگە ىقپال ەتەتىنىنە سەنىم ءبىلدىردى.