پرەزيدەنت قاسىم-جومارت توقاەۆ xالىقتىڭ 70%-دان استام داۋىسىن جيناپ, جەڭىسكە جەتكەندىگىنە قاتىستى جاڭالىقتى ەستۋىمە وراي شىن جۇرەكتەن قۋانىشىمدى بىلدىرەمىن.
پرەزيدەنت نۇرسۇلتان نازارباەۆ ءوز ەركىمەن وكىلەتتىگىن توقتاتقان سوڭ, كونستيتۋتسياعا سايكەس پرەزيدەنت لاۋازىمىنا قاسىم-جومارت توقاەۆتىڭ كانديداتۋراسىن ۇسىندى.
اقپارات كوزدەرىنە سايكەس, داۋىس كورسەتكىشىنىڭ 70%-دان اسۋى قازاقستاننىڭ تۇڭعىش پرەزيدەنتى ن.نازارباەۆتىڭ جۇرگىزىپ كەلگەن ساياساتىنىڭ جوعارى باعالانۋىمەن بايلانىستى.
ق.توقاەۆ ءوز كەزەگىندە وسى ساياسي باعىتتى ودان ءارى جالعاستىرامىن دەگەن ماقساتپەن سايلاۋعا ءتۇستى. ەندى قازاقستان الەمدەگى ءوزىنىڭ ورنىن ساقتاپ قانا قويماي, نىعايتا تۇسەدى دەپ نىق سەنىممەن ايتۋعا بولادى.
تاكەو كاۆامۋرا,
جاپونيا پارلامەنتىنىڭ قازاقستانمەن دوستىق ليگاسىنىڭ توراعاسى, وكىلدەر پالاتاسىنىڭ دەپۋتاتى
قازاقستان رەسپۋبليكاسىنىڭ پرەزيدەنتى,
جوعارى مارتەبەلى قاسىم-جومارت توقاەۆ مىرزاعا!
قازاقستان رەسپۋبليكاسىنىڭ پرەزيدەنتى لاۋازىمىنا سايلانۋىڭىزبەن رياسىز قۇتتىقتاۋىمدى قابىل الىڭىز.
ەكى ەلدى بيىل ديپلوماتيالىق قاتىناستاردىڭ ورناعانىنا 27 جىل جانە ستراتەگيالىق ارىپتەستىك تۋرالى شارتقا قول قويىلعانىنا 10 جىل تولاتىن بەرىك قاتىناستار بىرىكتىرەدى.
ءبىزدىڭ بىرلەسكەن كۇش-جىگەرىمىز تەڭ قۇقىقتى جانە ءوزارا ءتيىمدى ىنتىماقتاستىق قاعيداتتارىنا نەگىزدەلگەن قازاقستاندىق دوستىق پەن ستراتەگيالىق ارىپتەستىك قارىم-قاتىناستارىمىز الداعى ۋاقىتتا ەكىجاقتى نەگىزدە دە, كوپجاقتى بايلانىستار پلاتفورماسىندا دا نىعايا ءتۇسىپ, دامي بەرەتىنىنە سەنىمدىمىن.
وسى مۇمكىندىكتى پايدالانا وتىرىپ, جوعارى مارتەبەلى پرەزيدەنت, سىزگە مىقتى دەنساۋلىق پەن اماندىق, ادەمى جانە قوناقجاي ەلىڭىزگە بەيبىتشىلىك پەن ءوسىپ-وركەندەۋ تىلەيمىن.
ەتتورە روزاتو,
يتاليا رەسپۋبليكاسى پارلامەنتى
دەپۋتاتتار پالاتاسىنىڭ ۆيتسە-پرەزيدەنتى
قۇرمەتتى قاسىم-جومارت كەمەل ۇلى!
ءسىزدى قازاقستان رەسپۋبليكاسىنىڭ پرەزيدەنتى بولىپ سايلانۋىڭىزبەن ەرەكشە ىستىق جانە شىن جۇرەكتەن قۇتتىقتاۋىمدى قابىل الىڭىز.
ءسىزدىڭ سايلاۋداعى ايقىن جەڭىسىڭىز قازاقستان حالقىنىڭ ءتۇرلى مەملەكەتتىك لاۋازىمدارداعى قىزمەتىڭىزگە بيىك باعا بەرگەنىن, جوعارى ساياسي بەدەلگە يە ەكەنىڭىزدى جانە ەلباسى نۇرسۇلتان نازارباەۆتىڭ حالىقارالىق ارەناداعى ەل پوزيتسياسىن نىعايتۋعا باعىتتالعان باعىتىن كەڭىنەن قولداعانىن كورسەتەدى.
ءسىزدىڭ وراسان زور ساياسي تاجىريبەڭىز بەن قازاقستاندىقتاردىڭ ءال-اۋقاتىنا دەگەن شىنايى قامقورلىعىڭىز جاڭا جاسامپاز كۇش-جىگەرمەن اسا ماڭىزدى سىرتقى ساياسي جانە الەۋمەتتىك-ەكونوميكالىق مىندەتتەردى شەشۋگە مۇمكىندىك بەرەتىنىنە سەنىمدىمىن.
سونداي-اق قازاقستان مەن چەحيا اراسىنداعى ساياسي بايلانىستاردىڭ جوعارى دەڭگەيى مەن ديناميكاسىن قولداۋدىڭ ماڭىزدىلىعىن اتاپ وتكىم كەلەدى. ەكى ەل اراسىنداعى ءوزارا ءتيىمدى بايلانىستاردىڭ قارىشتاپ دامۋى ەكىجاقتى ىنتىماقتاستىقتى بارلىق باعىت بويىنشا ودان ءارى نىعايتۋعا قىزمەت ەتەدى دەپ سانايمىن.
سىزگە ەلىڭىزدىڭ جانە قازاقستان حالقىنىڭ يگىلىگى جولىندا جاڭا تابىستار مەن جەتىستىكتەر تىلەيمىن.
ۆويتەح فيليپ,
چەحيا پارلامەنتى دەپۋتاتتار پالاتاسى
توراعاسىنىڭ ورىنباسارى –
«چەحيا-قازاقستان» پارلامەنتارالىق
دوستىق توبىنىڭ تەڭ توراعاسى
قۇرمەتتى پرەزيدەنت مىرزا!
پولشا رەسپۋبليكاسىنىڭ سەيم دەپۋتاتى, پولشا-قازاقستان پارلامەنتتىك توبىنىڭ جانە شەتەل ماسەلەلەرى جونىندەگى كوميتەتتىڭ مۇشەسى رەتىندە ءسىزدى قازاقستان رەسپۋبليكاسىنىڭ پرەزيدەنتى لاۋازىمىنا سايلانۋىڭىزبەن شىن جۇرەكتەن قۇتتىقتايمىن. ءسىزدىڭ پرەزيدەنتتىك باسقارۋ كەزىڭىزدە قازاقستان حالقىنىڭ ءال-اۋقاتى ارتىپ, ەلىڭىزدىڭ قارقىندى داميتىنىنا سەنىم بىلدىرەمىن.
جىل سايىن پولياك جانە قازاق حالقى اراسىنداعى ىنتىماقتاستىق نىعايۋدا. ەكى ەل اراسىنداعى ساياسي جانە ديپلوماتيالىق ىنتىماقتاستىق ارتىپ, ساۋدا-ساتتىق بايلانىس قارقىن الۋدا. قازاقستاندىقتار پولشادا, سونداي-اق قازاقستانداعى پولياكتار سىزدەردىڭ ەلدەرىڭىزدە قۇرمەت پەن سۇيىسپەنشىلىككە يە. مەن ءسىزدىڭ پرەزيدەنتتىك قىزمەتىڭىزدى اتقارۋ بارىسىندا پولياك-قازاق اراسىنداعى قارىم-قاتىناستاردىڭ نىعايا تۇسەرىنە, ساياسي, سونداي-اق ماڭىزدى ەكونوميكالىق جانە مادەني دەڭگەيدە ودان ءارى جانداناتىنىنا ەش كۇمان كەلتىرمەيمىن.
قۇرمەتتى پرەزيدەنت مىرزا, سايلاۋداعى جەڭىسىڭىزبەن شىن جۇرەكتەن قۇتتىقتاي وتىرىپ, مەنىڭ تەرەڭ قۇرمەتىمدى قابىلداۋىڭىزدى وتىنەمىن.
توماش لەنتس,
پولشا رەسپۋبليكاسىنىڭ سەيم دەپۋتاتى
قازاقستاندا 2019 جىلعى 9 ماۋسىمدا وتكەن پرەزيدەنتتىك سايلاۋدان قاسىم-جومارت توقاەۆتىڭ جەڭىپ شىعاتىنىن الدىن الا بىلدىك. ق.توقاەۆتىڭ ءبىلىمى مەن بىلىكتىلىگى, ديلوماتيالىق, پارلامەنتتىك جۇمىس ءوتىلى, سونداي-اق ايماقتىق جانە حالىقارالىق دەڭگەيدە كورنەكتى تۇلعا رەتىندە تانىمالدىلىعى, كوپتەگەن ماسەلەلەردى شەشۋ بويىنشا جيناعان تاجىريبەسى ونىڭ پرەزيدەنت رەتىندە ەلىنە ايانباي قىزمەت ەتۋىنە مۇمكىندىك بەرەدى.
ول – الەمدەگى ەڭ تانىمال ساياساتكەرلەردىڭ ءبىرى, ايماقتىق جانە حالىقارالىق بەيبىتشىلىك باستامالاردىڭ اۆتورى بولىپ تابىلاتىن ن.نازارباەۆتىڭ ساياسي-ەكونوميكالىق باعىتىن جالعاستىرۋى حالىقتىڭ قولداۋىن يەلەنىپ, سايلاۋدا جەڭىپ شىعۋىنا كەپىل بولدى.
ابدەسسالام ءال-حادراۋي,
مىسىر پارلامەنتىنىڭ دەپۋتاتى, «حيۋار» ستراتەگيالىق زەرتتەۋلەر ورتالىعىنىڭ توراعاسى