«ورتالىق سايلاۋ كوميسسياسىنىڭ شاقىرۋىمەن قازاقستان پرەزيدەنتىن سايلاۋعا بايقاۋشى رەتىندە قاتىستىق. ءبىز سايلاۋعا دەيىنگى دايىندىق جۇمىستارىنان باستاپ, سايلاۋ بارىسىنداعى ءار ءساتتى ءجىتى باقىلادىق. ناقتىراق ايتساق, قىتاي حالىق رەسپۋبليكاسىنىڭ دەلەگاتسياسى سايلاۋ كۇنى №121, №110, №140, №159, №58, №59 ۋچاسكەلەرىندەگى جۇمىس بارىسىن باقىلادى. اتالعان ۋچاسكەلەردە ەشقانداي دا زاڭعا قايشى ارەكەتتەر تىركەلگەن جوق», دەدى چجان سيۋن ءباسپاسوز ءماسليحاتىندا.
ونىڭ ايتۋىنشا, پرەزيدەنت سايلاۋى حالىقارالىق ستاندارتتارعا ساي وتكەن.
«ءبىز سايلاۋ بارىسىنداعى ءار داۋىس بەرۋشىگە بەرىلگەن بيۋللەتەندەردى بەرۋ جۇمىسىنان باستاپ, سايلاۋدان كەيىنگى داۋىستاردى ەسەپتەۋ ساتىندەگى جۇمىستارعا دەيىن قاداعالادىق. بارلىق ۋچاسكەلەردە سايلاۋ بارىسى اشىق ءارى دەموكراتيالى تۇردە ءوتتى. اتالعان پرەزيدەنت سايلاۋى قازاقستان زاڭىنا سايكەس جانە حالىقارالىق تارتىپكە ساي وتكەنىن اتاپ وتكىم كەلەدى. ەشقانداي دا بۇرمالاۋشىلىق تىركەلگەن جوق. سونداي-اق باق وكىلدەرى سايلاۋ بارىسىندا بەلسەندى تۇردە اقپارات تاراتتى», دەدى چجان سيۋن.
جيىن سوڭىندا ول قىتاي بايقاۋشىلارىنىڭ اتىنان قازاقستاننىڭ ورتالىق سايلاۋ كوميسسياسىنا جانە قازاقستاننىڭ سىرتقى ىستەر مينيسترلىگىنە العىس ءبىلدىردى.