بۇل تۋرالى مەملەكەت باسشىسى قاسىم-جومارت توقاەۆ ەڭبەك جانە جۇمىسپەن قامتۋ ماسەلەلەرى بويىنشا وتكىزگەن جيىندا ايتىلدى.
جيىنعا پارلامەنت دەپۋتاتتارى, ۇكىمەت مۇشەلەرى, قوعامدىق ۇيىمداردىڭ وكىلدەرى جانە ينۆەستورلار مەن ءىرى كومپانيالاردىڭ باسشىلارى قاتىستى. قازاقستان پرەزيدەنتى بۇل سالاداعى مەملەكەتتىك ساياسات حالىقتى لايىقتى جۇمىسپەن قامتۋ جانە ءادىل ەڭبەكاقىعا نەگىزدەلۋى ءتيىس دەپ اتاپ ءوتتى. ول ءۇشىن ۇكىمەتتىڭ الدىنا شۇعىل شەشىلۋى ءتيىس بىرنەشە مىندەت قويدى.