ول كەزدەرى كاسسيۋس كلەي ەندى عانا «قاھارىنا» ءمىنىپ كەلە جاتقان. باستاپقى 19 كەزدەسۋدىڭ بارلىعىندا جەڭىسكە جەتكەن ول الەمدىك ءتاج ءۇشىن ايقاسۋعا دايار ەكەنىن بارشا جۇرتقا جاريالادى. جاي عانا ايتىپ قويماي, سونني ليستوندى بالاعاتتاپ, ونىڭ نامىسىنا ءتيدى. اۋەلدە «مەن» دەپ كەۋدە قاققان تالاي مىقتىنى كوكالا قويداي ساباعان سونني ماقتانشاق جiگiتتi مەنسiنبەدi. ال كاسسيۋس ونىڭ قىر-سوڭىنان قالماي, كوپشiلiكتiڭ الدىندا كەكەتىپ, مۇقاتۋدى ادەتكە اينالدىردى. شىدامنىڭ دا شەگi بار عوي, اقىرى ليستون جاس بوكسشىمەن كەزدەسۋگە كەلiسiمiن بەردi. ماتچ 1964 جىلدىڭ 25 اقپانىندا مايامي-بيچتە وتەدi دەپ بەلگiلەندi. سول كەزدە بوكس تاقىرىبىنا قالام تارتاتىن 46 جۋرناليستiڭ 43-i ليستون جەڭەدi دەگەن پiكiرگە توقتالدى. ال بۋكمەكەرلىك كەڭسەلەر دە الەم چەمپيونىنىڭ جەڭىسكە جەتەتىنىنە كۇمان كەلتiرمەدi.
كوپشىلىك تاعاتسىزدانا كۇتكەن كەزدەسۋدە سەنساتسيالىق ناتيجە تىركەلدى. التىنشى راۋندتاعى ۇزىلىستەن كەيىن 32 جاستاعى سوني جاراقات العانىن العا تارتىپ, باسەكەنى جالعاستىرۋدان باس تارتتى. الەم چەمپيونى اتانعان بەتتە 22 جاستاعى كاسسيۋس كلەي يسلام دiنiن قابىلداپ, اتى-ءجونiن مۇحاممەد ءالي دەپ وزگەرتتi.
1965 جىلدىڭ 25 مامىرىندا قارىمتا كەزدەسۋ ۇيىمداستىرىلدى. الداعى جەكپە-جەكتىڭ ناتيجەسىن كەزدەيسوقتىققا بالاعان بارشا جۇرت بۇل جولى سونني ليستون جەڭەدى دەپ جورامالدادى. بىراق ليۋيستونداعى ايقاس ەكى مينۋتقا جەتپەي اياقتالدى. جانامالاپ قانا تيگەن سوققىدان سوڭ كەسكەن تەرەكتەي سۇلاپ تۇسكەن ءسوننيدىڭ باسەكەنى ودان ءارى جالعاستىرۋعا زاۋقى سوقپادى. سول كورىنىس جوعارىداعى سۋرەتتە بەينەلەنگەن. ول جەردە ايقاسقا تويماعان ء الي جىعىلىپ جاتقان قارسىلاسىنا: «وڭباعان تۇر. جىگىت بولساڭ, اياعىنا دەيىن توبەلەس» دەپ ايقايلاپ جاتىر...
مىنە, وسى جەكپە-جەكتەن سوڭ مۇحاممەد ءاليدىڭ داڭقى الىسقا جايىلىپ, تورتكۇل دۇنيە جۇرتشىلىعى ونىڭ مىقتىلىعىن تۇبەگەيلى مويىندادى. ءيا, سونني ليستوننىڭ دا ودان كەيىن جامان جۇدىرىقتاسپاعانى راس. اتاپ ايتساق, 1966-1970 جىلدار ارالىعىندا 16 رەت رينگكە كوتەرىلگەن ول 15 باسەكەدە باسىمدىق تانىتتى. الايدا, 1970 جىلدىڭ 30 جەلتوقسانىندا لاس-ۆەگاستاعى ۇيىندە ايگىلى بوكسشىنىڭ ءمايىتى تابىلدى. ول نەبارى 38 جاستا ەدى...