ىرىكتەۋ جارىستارى بارىسىندا «باتىس» وڭىرلىك قولباسشىلىعى اسكەري قىزمەتشىلەرىنىڭ اراسىنان ەڭ ۇزدىك, شەبەر ماماندار تاڭدالىپ الىندى. ولاردىڭ قۇرامىنان 4 اسكەري قىزمەتشى كىرگەن قۇراما كوماندا جاساقتالدى. ونىڭ ىشىندە بىرەۋى ايەل, ۇشەۋى ەر ازامات.
كونكۋرستتىڭ شارتتارىنا سايكەس, «الەم جاۋىنگەرى» كونكۋرسى كەلەسىدەي كەزەڭدەردەن تۇرادى, ولار: «اتلەت» اسكەري-سپورتتىق كەزەڭى, «شەبەر» اسكەري شەبەرلىك كەزەڭى, «مەرگەن» اتىس دايارلىعى كەزەڭى, «كاۆالەر/حانىم» ادەبي-شىعارماشىلىق, بي كونكۋرسى جانە «ەرۋديت» اسكەري تاريحتى مەڭگەرۋ دەڭگەيىن انىقتاۋ كەزەڭى.
-بيىل بىزدەر وتە مىقتى, بىلىكتى جانە شەبەر سەرجانتتاردى ىرىكتەپ الدىق. حالىقارالىق ارميالىق ويىندارعا قاتىسۋ مۇمكىندىگى ولارعا زور جىگەر بەرىپ, ىنتالاندىرادى. الايدا ۇزدىكتەر قاتارىنان كورىنۋ ءۇشىن, كوپ تەر توگىپ, دايىندالۋ قاجەت, دەيدى تەڭىز جاياۋ اسكەرى بريگاداسىنىڭ سەرجانتى 1 سىنىپتى سەرجانت بيكەن مەنجاساروۆ.
قۇراما كوماندا اقپان ايىنان ناۋرىز ايىنىڭ ايىعىنا دەيىن دايارلىق جۇرگىزىپ, وسى كۇندەرى قارۋلى كۇشتەردىڭ سوڭعى ىرىكتەۋ كەزەڭىنە جول تارتتى.
بيىل, «الەم جاۋىنگەرى» اسكەري-شەبەرلىكتىڭ حالىقارالىق كونكۋرسى تامىز ايىنىن باسىندا ارمەنيا رەسپۋبليكاسىندا وتەتىن بولادى. وتكەن جىلى, قازاقستان قارۋلى كۇشتەرىنىڭ قۇراما كومانداسى اتالمىش كونكۋرستا 6 ەلدىڭ اراسىندا جەڭىمپاز اتانىپ, ەلگە ابىرويمەن ورالعان بولاتىن.