الماتى وبلىسىندا وتكەن جىلى كاسىپكەرلەردىڭ قۇقىن قورعاۋعا قاتىستى 365 ارىز-شاعىم قارالىپ, ونىڭ ىشىنەن 194 وتىنىشكە وڭ شەشىم شىققان.
بۇل تۋرالى ارنايى ءباسپاسوز ءماسليحاتىن وتكىزگەن «اتامەكەن» ۇللتىق كاسىپكەرلەر پالاتاسى الماتى وبلىستىق فيليالىنىڭ ديرەكتورى ناريمان ابىلشايىقوۆ مالىمدەدى.
- 2018 جىلى ءوڭىر كاسىپكەرلەرىنەن تۇسكەن ءوتىنىشتىڭ سانىنا قاراساق, پالاتاعا ءار كۇن سايىن ءبىر ادام اشىعمدانعانداي بولادى. ياعني, بىلتىر ءبىز 365 رەت ءوتىنىش تىركەدىك. بۇل ارعى جىلمەن سالىستىرعاندا كوپ, 2017 جىلى 311 شاعىم قابىلدانعان. پالاتانىڭ ارالاسۋىنان كەيىن جەرگىلىكتى بيزنەستىڭ مۇددەسىنە وراي شەشىلگەن قارجى كولەمى 701,2 ملن تەڭگەنى قۇرادى, - دەيدى ناريمان ابىلشايىقوۆ.
جالپى وتكەن جىلى شاعىن جانە ورتا بيزنەس نىساندارىنا قاتىستى 35 اكىمشىلىك كەدەرگى انىقتالعان. ونىڭ ون التىسى رەسپۋبليكالىق دەڭگەيدە بولسا, 19 كەدەرگى جەرگلىكتى جەردە تۋىنداعان ەكەن.
- ءبىزدىڭ تالداۋىمىز بويىنشا ايماقتاعى نەگىزگى پروبلەمالىق سۇراقتار قاتارىندا جەرگىلىكتى اتقارۋشى ورگان تاراپىنان جەر ۋچاسكەلەرى بويىنشا بايقاۋلار مەن اۋكتسيونداردىڭ وتكىزىلمەۋى وتكىر تۇر. سونداي-اق, «ساۋلەت, قالا قۇرىلىسى جانە قۇرىلىس قىزمەتى تۋرالى» زاڭىنىڭ 17 - بابى, 4 - ءبولىمى, 1- تارماعىندا كورسەتىلگەن نورما جوبالاۋ ۇيىمدارى ءۇشىن اكىمشىلىك كەدەرگى بولىپ سانالىپ, سىبايلاس جەمقورلىق فاكتورىنا مۇمكىندىك تۋعىزادى. وسى باعىتتاعى جەتىلدىرۋ جۇمىستارى جۇرگىزىپ, ۇسىنىس ازىرلەۋدەمىز, - دەدى وبلىستىق كاسىپكەرلەر پالاتاسىنىڭ باسشىسى.
قالماحانبەت مۇقامەتقالي,
«Egemen Qazaqstan»
الماتى وبلىسى