ماكەدونيا بۇدان بىلاي ەكى ءتىلدى مەملەكەت. بۇل تۋرالى پارلامەنت سپيكەرى تالات دجافەري حابارلادى.
پارلامەنت وتىرىسىندا البان تىلىنە مەملەكەتتىڭ رەسمي ءتىلى ستاتۋسى بەرىلدى. جاڭا زاڭدى 120 دەپۋتاتتىڭ 69-ى قولدادى. قارسى تاراپ قاتارىندا مەملەكەت پرەزيدەنتى گەرگە يۆانوۆ تا بار. ول زاڭعا قول قويۋدان باس تارتتى. ونىمەن قوسا مەملەكەتتىڭ كونسەرۆاتيۆتى وپپوزيتسيا بلوگى قارسىلىعىن ءبىلدىردى.
ەستەرىڭىزگە سالا كەتسەك, ماكەدونيا حالقىنىڭ تورتتەن ءبىرى - الباندىقتار. بۇعان دەيىن البان ءتىلى تەك ەتنوس تۇرىپ جاتقان ايماقتاردا عانا رەسمي ءتىل ستاتۋسىنا يە بولعان.