2018 جىلدىڭ قاڭتار-قاراشا ايلارىندا قازاقستاننىڭ سىرتقى ساۋدا اينالىمىنىڭ كولەمى 2017 جىلدىڭ وسى كەزەڭىمەن سالىستىرعاندا 20,5 %-عا ارتىپ, 84 ملرد 344,6 ملن دوللاردى قۇرادى. بۇل تۋرالى ۇلتتىق ەكونوميكا مينيسترلىگىنىڭ ستاتيستيكا كوميتەتى حابارلادى.
ەسەپتى كەزەڭدە ەكسپورت كولەمى 54 ملرد 673,5 ملن دوللاردى (وتكەن جىلدىڭ قاڭتار-قاراشا ايلارىمەن سالىستىرعانداعى ءوسىم - 26,4%), يمپورت كولەمى 29 ملرد 671,7 ملن دوللاردى (+11,1%) قۇرادى.