مەملەكەت باسشىسى ن.نازارباەۆ ء«تورتىنشى ونەركاسىپتىك رەۆوليۋتسيا جاعدايىنداعى دامۋدىڭ جاڭا مۇمكىندىكتەرى» اتتى جولداۋىندا «تسيفرلى قازاقستان» مەملەكەتتىك باعدارلاماسىن جۇزەگە اسىرۋ تۋرالى تاپسىرما بەرگەن بولاتىن.
وسىعان وراي, وتكەن جىلدىڭ مامىر ايىندا ءىت-قىزمەت سالاسىنداعى كوشباسشى «Tengri Lab» كومپانياسى «اقمولا ەلەكتر جەلىلەرىن ۇلەستىرۋ كومپانياسى» اق, «قازاقتەلەكوم» اق, ERG, BTS Digital جانە اقمولا وبلىسى اكىمدىگىمەن بىرلەسىپ, «اقىلدى قالا» جوباسىن قولعا الدى. «Tengri Lab» كومپانياسىنىڭ باس ديرەكتورى ءالىمجان ەسەتوۆتىڭ ايتۋىنشا, وسى التى ايدىڭ ىشىندە ءبىراز جۇمىستار اتقارىلىپتى. اقكول قالاسى استاناعا جاقىن (100 شاقىرىم قاشىقتىقتا) ورنالاسقاندىقتان, جوبانى وسىندا جۇزەگە اسىرۋ قولعا الىنعان. سونداي-اق, قالا تۇرعىندارىنىڭ سانى مەن ينفراقۇرىلىمىنىڭ ورنالاسۋى دا وتە قولايلى. جالپى, جوبا قولعا الىنعان التى ايدىڭ ىشىندە قالا 4G جانە LoraWan جەلىسىنە قوسىلدى, 4500 سۋ ەسەپتەگىش, 6000 ەلەكتر قۋاتىن ەسەپتەگىش, كوشەلەردەگى 250 جارىق شامدارى اۋىستىرىلدى. بۇدان بولەك, 100 شاقىرىم ەلەكتر كابەلدەرى الماستىرىلىپ, 70 ينتەللەكتۋالدى بەينەباقىلاۋ كامەرالارى, قولجەتىمدىلىكتى باقىلاۋ جۇيەسى, مەكتەپ جانە اكىمدىكتەردە جەكە تۇلعانى سايكەستەندىرۋ, ەكولوگيالىق باقىلاۋ جۇيەسى, ءتۇتىندى انىقتايتىن اقىلدى داتچيكتەر, قوعامدىق كولىكتەر مەن مەملەكەتتىك كولىكتەردى GPSمoنيتورينگ جۇرگىزەتىن جۇيەلەر ورناتىلدى. قالانىڭ 3D كارتاسى ازىرلەنگەن. كەلەشەكتە بۇل جۇيەلەر وسىعان دەيىن قولجەتىمسىز بولعان وزگە دە مالىمەتتەردى انىقتاپ, ەنگىزەتىن بولادى.
بايقال ءبايادىل,
«ەگەمەن قازاقستان»
اقمولا وبلىسى,
اقكول قالاسى.