WorldSkills Kazakhstan – كاسىپتىك بىلىكتىلىك سىنى

ەلباسى ن.نازارباەۆ جىل سايىنعى ءداستۇرلى جولداۋ­لا­رىندا تەحنيكالىق جانە كاسىپتىك ءبىلىم بەرۋ جۇيەسىن بارىنشا دامىتۋ كەرەكتىگىنە ءمان بەرىپ كەلەدى. بۇل باعىتتا بىرنەشە جوس­پار مەن ءىس-شارا جۇزەگە اسىرىلۋدا. ماسەلەن, 2014 جىلدىڭ تامىز ايىندا قازاقستان حالىقارالىق WorldSkills قاۋىمداستىعىنىڭ 70-مۇشەسى بولدى. وسى باعىتتا ءبىلىم جانە عىلىم مينيسترلىگى مەن «كاسىپقور» حولدينگى» جۇمىسشى ماماندىقتارىنىڭ بەدەلىن ارتتىرۋ ءۇشىن 2015 جىل­دان باستاپ WorldSkills قازاق­ستان ۇلتتىق چەمپيوناتىن ۇيىم­داستىرىپ كەلەدى. وسىعان وراي اعىمداعى جىلدىڭ 4-7 جەلتوق­سان ارالىعىندا كاسىپتىك مامان­دىق­تاردىڭ بەدەلىن ارتتىرۋ, جاس كادرلاردى ەكونوميكانىڭ وندى­رىستىك سەكتورىنا جۇمىلدىرۋ جانە كəسىپتىك-تەحنيكالىق ءبىلىم­دى دامىتۋعا باعىتتالعان World­Skills Kazakhstan IV رەسپۋب­لي­كالىق ۇلتتىق چەمپيوناتى وتكىزىلۋدە. ەلىمىزدىڭ ءار ايما­عى­نان كەلگەن 350-گە جۋىق ۇمىتكەردى 30 ماماندىق بويىنشا 400-دەن اسا ساراپشى باعالاۋدا. 

«WorldSkills – جۇمىسشى كاسى­بىنىڭ مارتەبەسىن ارتتىرىپ قانا قويماي, كاسىبيلىكتى ناسي­حاتتاۋدى ماقسات ەتەتىن كوممەر­تسيالىق ەمەس قوزعالىس. بۇل جاس­تار اراسىندا ۇلكەن بەدەلگە يە. بۇگىندە تەحنيكالىق جانە كاسىپتىك ءبىلىم بەرۋ ساپاسىن ارتتىرۋ – مينيسترلىك العا قويىپ وتىر­عان باستى ماقساتتاردىڭ ءبىرى. جاس مامانداردىڭ كاسىپ­تىك شەبەرلىگىنە قولداۋ كورسە­تۋگە كاسىپورىنداردىڭ وكىلدەرى, جۇ­مىس بەرۋشى كومپانيالار, سونداي-اق كوللەدج بەن جوو ستۋدەنتتەرى جانە مەكتەپ وقۋشىلارى قاتىسۋدا. مەن بارلىعىنا العى­سىمدى ايتقىم كەلەدى. جىل سا­يىن ۇلتتىق چەمپيو­ناتقا قاتى­سۋ­شىلاردىڭ سانى ارتىپ كەلەدى. ءبىز قازىر وسى World­Skills باعدارلاماسىن نەگىزگە الا وتىرىپ بارلىق كوللەدجدە ءبىلىم بەرەتىن باع­دار­لامالاردى وزگەرتىپ, 500 وقۋ­لىقتى قازاق, ورىس تىلدەرىنە اۋدارىپ, اتالعان باعدارلاما ارقىلى ستۋدەنتتەرگە ءبىلىم بەرەمىز», دە­دى ءبىلىم جانە عىلىم ءمينيسترى ەر­لان ساعاديەۆ. 

ءتورت كۇنگە سوزىلاتىن چەم­پيونات «كىرپىش قالاۋ», «بوياۋ جانە ارلەۋ جۇمىس­تارى», «كون­ديتەرلىك شەبەر­لىك», «ەلەك­ترونيكا», «قوناق ءۇي اكىمشىسى», «سبب ستانوكتارىنداعى جونۋشى», «ۆەب-ديزاين», «گرافي­كالىق ديزاين», «ديزەل قوز­عالت­قىش­تاردى جوندەۋ جانە قىز­مەت كورسەتۋ», «جەلىلىك جانە جۇيەلىك اكىمشى», «اۋىل شارۋا­شىلىعى ماشينالارى مەن تراك­تورلارىنىڭ سلەسار-جوندەۋ­شىسى», «مەحاترونيكا», «ەلەكترو­مونتاج جۇمىستارى», «ۆي­زۋال مەرچاندايزينگ جانە ۆيتري­نيستيكا», «جەڭىل كولىكتەردى جوندەۋ جانە قىزمەت كورسەتۋ», «سان­تەحنيكا مەن جىلۋ بەرۋ», «مەي­رامحانا قىزمەتى», «CAD ينجەنەرلىك گرافيكاسى», «كولىك سىرتىن جوندەۋ», ء«موبيلدى روبوت تەحنيكا», «شاشتاراز», ء«سان تەحنولوگياسى», «بيداي مەن بيداي ونىمدەرى ساپاسىن انىق­تاۋ», «دانەكەرلەۋشى», «تاق­تا قاپ­تاۋ», «قۇرعاق قۇرىلىس جانە سىلاق», «اسپاز», «ناۋباي», «سال­قىن­داتقىش جانە جەلدەتكىش قۇ­رال­دارى», «بيزنەستىڭ ءىت شە­شىمدەرى» بىلىكتىلىكتەرى بويىنشا وتۋدە.

ايتا كەتەتىن تاعى ءبىر جايت, بىل­تىر قازاقستاندىق جاس شەبەرلەر WorldSkills-2017 بايقاۋىنا قا­تىسۋ ءۇشىن ابۋ-دابيگە بارعان ەدى. بيىل كۇزدە قازاقستان قۇ­را­­ماسى بۋداپەشتتە وتكەن Euro­Skills سايىسىندا 10-ورىن الدى.

راۋان قايدار,

«ەگەمەن قازاقستان»