باقىتجان ساعىنتاەۆ تارازدا حالىقتى جۇمىسپەن قامتۋ ورتالىعىنا باردى

وپەراتسيالىق زالدى ارالاۋ كەزىندە باقىتجان ساعىنتاەۆقا جۇمىسپەن قامتۋ ورتالىعىنىڭ جاڭارتىلعان ءوفيسى وتكەن جىلدىڭ قازان ايىندا پايدالانۋعا بەرىلگەنى مالىمدەلدى. عيمارات قاجەتتى تەحنيكالىق قۇرالدارمەن جابدىقتالعان, ەلەكتروندى كەزەك جۇيەسى ەنگىزىلىپ, ەلەكتروندىق ەڭبەك بيرجاسىنىڭ جۇمىسىمەن بىرىكتىرىلگەن. ە-بيرجا پورتالىندا بۇگىنگى تاڭدا جۇمىس بەرۋشىلەر سانى 73%-عا ۇلعايتىلعان, قىزمەتتەردى الۋ ۋاقىتى 20%-عا قىسقارتىلعان, ازاماتتاردى جۇمىسقا ورنالاستىرۋ بويىنشا ورتالىقتىڭ قىزمەتكەرلەرى مۇمكىندىكتەرىن 31%-عا كەڭەيتكەن, پورتال ارقىلى جۇمىس ىزدەۋشىلەر تاراپىنان بوس جۇمىس ورىندارىنا سۇرانىس 15%-عا ارتتى. جالپى رەسپۋبليكا بويىنشا 2018 جىلدىڭ ءىىى توقسانىندا ەڭبەكتىڭ ەلەكتروندى بيرجاسىندا 255 843 بوس جۇمىس ورىندارى مەن 121 557 تۇيىندەمە ورنالاستىرىلعان.

جۇمىسپەن قامتۋ ورتالىعىنىڭ نەگىزگى مىندەتى — قىزمەت الۋشىلاردىڭ ۋاقىتىلى ءارى ساپالى الەۋمەتتىك قىزمەتتەر الۋىنا قاجەتتى جاعدايلاردى جاساۋ. جۇمىسپەن قامتۋ ورتالىعىنىڭ ديرەكتورى ە. كەڭەسبەكوۆ بيىلعى 1 قىركۇيەكتەگى جاعداي بويىنشا 8125 جۇگىنۋشىگە قاجەتتى قىزمەتتەر ۇسىنىلعانىن ايتتى. ولاردىڭ ىشىندە: جۇمىس ىزدەۋشىلەردى تىركەۋ; جۇمىسپەن قامتۋعا جاردەمدەسۋدىڭ بەلسەندى شارالارىنا باعىت بەرۋ; جاڭا فورماتتاعى «اتاۋلى الەۋمەتتىك كومەكتى» تاعايىنداۋ ءۇشىن كەڭەس بەرۋ جانە قۇجاتتاردى قابىلداۋ; ءونىمدى جۇمىسپەن قامتۋ جانە جاپپاي كاسىپكەرلىكتى دامىتۋ باعدارلاماسىن ىسكە اسىرۋ ماسەلەلەرى بويىنشا كەڭەس بەرۋ.  

وڭىردە 11 جۇمىسپەن قامتۋ ورتالىعى جۇمىس ىستەيدى. وبلىس اكىمىنىڭ ءبىرىنشى ورىنباسارى ب. ورىنبەكوۆتىڭ ايتۋىنشا, سوڭعى ون ايدا 20 978 ادام جۇمىسقا ورنالاسقان, 4964 ادام قوعامدىق جۇمىسقا تارتىلىپ, 4 169 ادام ءبىلىمى مەن بىلىكتىلىگىن ارتتىرعان. 6586 جاڭا جۇمىس ورنى قۇرىلعان, ونىڭ ىشىندە 4898 — تۇراقتى, 1688 — ۋاقىتشا جۇمىس ورنى بار. كاسىبي وقىتۋشىلاردىڭ جالپى سانى 2999 ادام قىسقا مەرزىمدى كاسىبي وقىتۋدان ءوتىپ, ونىڭ 1361-ءى جۇمىسقا ورنالاستى.