پارلامەنت دەپۋتاتتارىنىڭ وڭىرلەردەگى ساپارلارى جالعاسۋدا. دەپۋتاتتار ساپار بارىسىندا ەڭبەك ۇجىمدارىندا ەلباسى جولداۋىنىڭ باسىمدىقتارىن تارقاتا جەتكىزدى. سونداي-اق تۇرعىندار ساۋالىنا جاۋاپ بەرىپ, وزەكتى الەۋمەتتىك ماسەلەلەردى تالقىلادى.
پارلامەنت سەناتىنىڭ دەپۋتاتتارى باقىتجان جۇماعۇلوۆ, دينار نوكەتاەۆا جانە تولەۋبەك مۇقاشەۆ الماتىدا قازاق مەملەكەتتىك قىزدار پەداگوگيكالىق ۋنيۆەرسيتەتىنىڭ وقىتۋشىلارى جانە ستۋدەنتتەرىمەن كەزدەستى.
سەناتتىڭ الەۋمەتتىك-مادەني دامۋ جانە عىلىم كوميتەتىنىڭ مۇشەسى باقىتجان جۇماعۇلوۆ جولداۋدا ايتىلعان اۋقىمدى جۇمىستاردى رەت-رەتىمەن ءتۇسىندىردى. سونىمەن قاتار جوعارى وقۋ ورىندارىنىڭ ساپاسىن ارتتىرۋ, ۇستاز مارتەبەسىن كوتەرۋ جايىندا دا كەڭىنەن توقتالىپ ءوتتى. ال د.نوكەتاەۆا ءوزى التى جىل باسشىلىق جاساعان قىزدار ۋنيۆەرسيتەتىنىڭ مارتەبەسى تۋرالى باياندادى.
جيىن بارىسىندا ستۋدەنتتەر جولداۋ باسىمدىقتارى جونىندە ساۋالدار قويىپ, ۇسىنىستارىن جەتكىزدى.
* * *
ءماجىلىس دەپۋتاتتارى جانات جاراسوۆ, ەرسۇلتان بەكتۇرعانوۆ جانە تاراس حيتۋوۆ شىعىس قازاقستان وبلىسىنداعى سايلاۋشىلارمەن كەزدەستى. اۋىل تۇرعىندارىمەن كەزدەسۋدە دەپۋتاتتار جولداۋداعى زەينەتاقى, جالاقى, دەنساۋلىق ساقتاۋ, ءبىلىم بەرۋ سالالارىنداعى مەملەكەتتىك قىزمەت كورسەتۋدىڭ قولجەتىمدىلىگى ماسەلەلەرىنە ەرەكشە كوڭىل اۋداردى.
ودان ءارى ء«ۇلبى مەتاللۋرگيالىق زاۋىتىنىڭ» ۇجىمىمەن كەزدەسىپ, تۇرعىن ءۇي-كوممۋنالدىق شارۋاشىلىق, مىندەتتى الەۋمەتتىك ساقتاندىرۋ جۇيەسىن ەنگىزۋ, بالالارعا ارنالعان سپورت سەكتسيالارى سياقتى كوپتەگەن ماسەلەلەردى تالقىلادى.
* * *
پارلامەنت سەناتىنىڭ دەپۋتاتى ءالىمجان قۇرتاەۆ ەلباسى جولداۋىن ءتۇسىندىرۋ ماقساتىندا تۇركىستان وبلىسىنداعى ماقتاارال اۋدانىنىڭ باسشىلىعىمەن كەزدەستى. سەناتور ءومىر ساپاسىن جاقسارتۋ, حالىققا قولايلى جاعداي جاساۋ جانە كاسىبي مەملەكەتتىك اپپاراتتى قالىپتاستىرۋعا قاتىستى جولداۋدا ايقىندالعان مىندەتتەردى ەگجەي-تەگجەيلى ءتۇسىندىردى.
ماقتاارال اۋداندىق ءماسليحاتىنىڭ دەپۋتاتى, اكادەميك يبادۋللا ۇمبەتاليەۆ, اۋداندىق ءماسليحاتتىڭ دەپۋتاتى بەرىك شامشيەۆ, اۋداندىق ءماسليحات حاتشىسى قادىر سارسەكباەۆ اۋدان ومىرىنە قاتىستى وزەكتى ماسەلەلەردى قوزعادى.
* * *
مەملەكەت باسشىسى جولداۋىن ءتۇسىندىرۋ ماقساتىمەن الماتىعا كەلگەن ءماجىلىس دەپۋتاتى زاعيپا باليەۆا Open Almaty ۇجىمىمەن كەزدەستى. جولداۋدا يننوۆاتسيالىق جانە سەرۆيستىك سەكتورلاردى دامىتۋعا ەرەكشە كوڭىل ءبولۋ, «بولاشاق ەكونوميكاسىنىڭ» بالامالى ەنەرگەتيكا, جاڭا ماتەريالدار, بيومەديتسينا, ۇلكەن دەرەكتەر, زاتتار ينتەرنەتى, جاساندى ينتەللەكت, بلوكچەين جانە باسقا دا باعىتتارىن ىلگەرىلەتۋدى قامتاماسىز ەتۋ قاجەتتىگى ايتىلعان بولاتىن. ز.باليەۆا وسى شارالاردى ىسكە اسىرۋدا Open Almaty-نىڭ ماڭىزى زور ەكەنىن اتاپ ءوتتى.
دەپۋتات ءوزىنىڭ سوزىندە «حالىقپەن جۇمىس ىستەۋدىڭ جاڭا زاماناۋي فورماتتارىن ەنگىزۋدى مىندەتىنە العان پوليتسيانىڭ بۇل تۇرعىدا Open Almaty-دان ۇلگى الۋىنا بولاتىنىن اتاپ ءوتتى.
* * *
سەنات دەپۋتاتى رىسقالي ابدىكەروۆ ەلباسى جولداۋىنىڭ نەگىزگى ەرەجەلەرىن ءتۇسىندىرۋ ماقساتىمەن قاراعاندى وبلىسىنا جۇمىس ساپارىمەن كەلدى. ساپار بارىسىندا ول شاحتينسك قالاسىنداعى بىرقاتار مەملەكەتتىك مەكەمەلەردىڭ, شاعىن جانە ورتا بيزنەس نىساندارىنىڭ تىنىس-تىرشىلىگىمەن تانىستى.
سەناتور قالاداعى ءا.بوكەيحانوۆ اتىنداعى مەكتەپ-ليتسەيدەگى كەزدەسۋ بارىسىندا جولداۋدا مەملەكەت باسشىسى العا قويعان نەگىزگى مىندەتتەردى جان-جاقتى ءتۇسىندىردى. ەلباسىنىڭ تاپسىرماسىن ورىنداۋ اياسىندا پەداگوگتاردىڭ مارتەبەسىن, ەڭبەكاقىسىن, ءبىلىم بەرۋ ساپاسىن ارتتىرۋ, سونداي-اق وقۋشىلارعا جانە مۇعالىمدەرگە قاجەتتى جاعداي جاسالاتىنى, مەكتەپكە دەيىنگى ءبىلىم بەرۋ قامتۋىن كەڭەيتۋ جونىندە جۇمىستار جۇرگىزىلەتىنى اتاپ ءوتىلدى.
* * *
شىعىس قازاقستان وبلىسىنىڭ ورتالىعى – وسكەمەن قالاسىندا پارلامەنت ءماجىلىسىنىڭ دەپۋتاتى بەرىك دۇيسەنبينوۆ مەملەكەتتىك كىرىس دەپارتامەنتىنىڭ وبلىستىق دەپارتامەنتىنىڭ ۇجىمىمەن, كاسىپكەرلەرمەن جانە قوعام وكىلدەرىمەن كەزدەستى.
جولداۋدا ايتىلعان مىندەتتەردى «اق جول» پارتياسى قولدايتىنىن جەتكىزگەن دەپۋتات سالىق سالاسىنداعى سۇراقتارعا جاۋاپ بەرىپ, پارتيا تاراپىنان اتقارىلىپ جاتقان جۇمىستار تۋرالى ايتتى.
* * *
سەنات دەپۋتاتتارى مارات تاعىموۆ پەن مۇحتار جۇماعازيەۆ اقتوبە وبلىسىنا جۇمىس ساپارى اياسىندا تەمىر اۋدانىندا بولدى. ەلباسى جولداۋىن ناسيحاتتاۋعا اۋدانعا ارنايى كەلگەن اقپاراتتىق توپ مۇشەلەرى الدىمەن قۇرىلىسى ءجۇرىپ جاتقان «اقتوبە – اتىراۋ» تاس جولىنىڭ تەمىر اۋدانىنداعى بولىگىندە بولىپ, جۇمىس بارىسىمەن تانىستى.
ولار اۋدان ورتالىعىنداعى «شۇبارقۇدىق نان» ناۋبايحاناسى مەن «ارداق» كوتەرمە ساۋدا ورتالىعىندا دا بولدى. سونداي-اق اۋدان əكىمدىگى, پروكۋراتۋرا جəنە ىشكى ىستەر ءبولىمىنىڭ قىزمەتكەرلەرىمەن, بايعانين اۋدانىنىڭ ورتالىعى – قاراۋىلكەلدى اۋىلى حالقىمەن جۇزدەسىپ, جولداۋداعى مىندەتتەردى ءتۇسىندىردى.
* * *
ءماجىلىس دەپۋتاتتارى يرينا ۋنجاكوۆا جانە پاۆەل كازانتسەۆ قاراعاندى وبلىسىنىڭ وساكاروۆ اۋدانىنا باردى. ەسىل اۋىلىنداعى جاستارمەن كەزدەسكەن دەپۋتاتتار مەملەكەت تاراپىنان اۋىل شارۋاشىلىعىن دامىتۋعا قالاي كوڭىل ءبولىنىپ جاتقانىن ايتىپ, اگروونەركاسىپ كەشەنىنىڭ كەلەشەگىنە نازار اۋداردى. مەملەكەت باسشىسىنىڭ جولداۋىندا ايتىلعان باسىمدىقتارعا جانە ەلباسىنىڭ زاڭنامالىق باستامالارىن قامتاماسىز ەتۋ ءۇشىن پارلامەنت ءماجىلىسىنىڭ اتقارىپ جاتقان جۇمىستارى تۋرالى باياندادى.
ءوز كەزەگىندە دەپۋتاتتار كوتەرىلگەن پروبلەمالاردىڭ بارلىعى باقىلاۋعا الىناتىنىن جەتكىزدى.
* * *
مەملەكەت باسشىسى جولداۋىن حالىققا ءتۇسىندىرىپ, ونداعى مىندەتتەردى تارازىلاۋ ماقساتىنداعى رەسپۋبليكالىق اقپاراتتىق ناسيحاتتىق توپ قاتارىندا پارلامەنت سەناتىنىڭ دەپۋتاتتارى بەكمىرزا ەلامانوۆ پەن مۇرات باقتيار ۇلى قىزىلوردا وبلىسىنىڭ سىرداريا اۋدانىندا جۇمىس ساپارىمەن بولدى.
ولار «باق» جانە «قىزىلديحان» شارۋا قوجالىعىنىڭ جۇمىسشىلارىمەن كەزدەستى. وندا جولداۋداعى اۋىلشارۋاشىلىق سالاسىنا بايلانىستى ايتىلعان تاپسىرمالار جونىندە وي ءبولىستى.سونىمەن قاتار پارلامەنت پالاتالارىندا قابىلدانىپ جاتقان زاڭدارعا بايلانىستى تۋىنداعان سۇراقتارعا جاۋاپ بەردى.
* * *
پرەزيدەنت جولداۋىن ەل ىشىندە تەرەڭىرەك ۇعىندىرىپ, ناسيحاتتاۋ ماقساتىندا پارلامەنت سەناتىنىڭ دەپۋتاتى داۋرەن ادىلبەكوۆ اقمولا وبلىسىنداعى ۆيكتوروۆكا اۋىلىنىڭ تۇرعىندارىمەن كەزدەسۋ وتكىزدى.
دەپۋتات جولداۋدىڭ اسا ماڭىزدى تۇستارىنا, سونىڭ ىشىندە ەڭبەكاقى كولەمىنىڭ ءوسۋى, شاعىن جانە ورتا بيزنەستى ودان ءارى دامىتۋ ماسەلەلەرى, مەكتەپ پەن مەكتەپكە دەيىنگى مەكەمەلەردەگى ءبىلىم بەرۋ ساپاسىن جاقسارتۋ, بالالاردىڭ قاۋىپسىزدىگىن قامتاماسىز ەتۋ, دەنساۋلىق ساقتاۋ سالاسىن تسيفرلاندىرۋ ءتارىزدى مىندەتتەرگە توقتالدى.
د.ادىلبەكوۆ, سونداي-اق زەرەندىدەگى جاڭا ەمحانادا, مالىك عابدۋللين اتىنداعى قازاق مەكتەبىندە بولدى. «ستوليارەنكو» جەكە كاسىپكەرلىكتىڭ دانەكەرلەۋ تسەحىندا جىلىتۋ قازاندىقتارىن دايىنداپ جاتقان جۇمىسشىلارمەن پىكىرلەستى.
اقپاراتتار «ەگەمەن قازاقستاننىڭ» وڭىرلەردەگى تىلشىلەرىنەن الىندى