بۋەنوس-ايرەستەگى جاسوسپىرىمدەر وليمپياداسىندا بوكس باسەكەلەرى اياقتالدى. قازاقستان اتىنان شارشى الاڭعا شىققان تالعات شايكەنگە كۇمىس جۇلدە بۇيىردى دەپ جازادى Olympic.kz.
64 كەلىگە دەيىنگى سالماق دارەجەسىندە سىنعا تۇسكەن تالعات فينالدا رەسەيلىك يليا پوپوۆپەن جۇدىرىقتاسقان بولاتىن. جەكپە-جەك بارىسىندا ءبىزدىڭ سپورتشىنىڭ باسىمدىعى ايقىن بىلىنگەنىمەن, تورەشىلەر جەڭىستى پوپوۆقا بەردى.
ەسەپ - 4:1.
ەسكە سالا كەتەيىك, وليمپياداعا اتتانعان ءۇش قازاق بوكسشىسى دا جۇلدەگە ىلىكتى. ايبەك ورالباي وليمپيادا چەمپيونى اتانسا, تالعات شايكەن مەن دامير تويبايدىڭ ەنشىسىندە كۇمىس مەدال بار.