قازاقستانعا رەسەيدەن بەنزين يمپورتتاۋعا سالىنعان تىيىم 26 تامىزدا كۇشىنە ەنەدى.
2018 جىلدىڭ 3 شىلدەسىندە شىققان «قازاقستان رەسپۋبليكاسىنا رەسەي فەدەراتسياسىنان مۇناي ونىمدەرىن جەتكىزۋدىڭ كەيبىر ماسەلەلەرى تۋرالى» قر ەنەرگەتيكا ءمينيسترىنىڭ بۇيرىعى 2018 جىلدىڭ 16 تامىزدا رەسمي باق-تا جاريالانعان.
قۇجاتقا سايكەس, رەسەيدەن قازاقستانعا تەمىرجول كولىگى ارقىلى بەنزين تاسىمالداۋعا (كود: تن ۆەد 27101241 - 2710125900) ءۇش اي مەرزىمگە تىيىم سالىنادى. اتالعان بۇيرىق رەسمي جاريالانعان ساتتەن 10 كۇنتىزبەلىك كۇن وتكەن سوڭ قولدانىسقا ەنگىزىلەدى.
ايتا كەتەيىك, قر ەنەرگەتيكا ۆيتسە-ءمينيسترى بولات اقشولاقوۆ مۇنداي تىيىمدى ەلىمىزدەگى بەنزين كولەمىنىڭ شەكتەن تىس كوپتىگىمەن تۇسىندىرگەن.