ءماجىلىس دەپۋتاتتارى وڭىرلەرگە ءىس-ساپارى بارىسىندا ءوندىرىس ورىندارى مەن الەۋمەتتىك – مادەني نىسانداردى ارالاپ, حالىقپەن جانە ەڭبەك ۇجىمدارىمەن كەزدەسىپ, وندا ەلباسى نۇرسۇلتان نازارباەۆتىڭ جولداۋىندا ايتىلعان ماڭىزدى باعىتتاردى, بەس الەۋمەتتىك باستامانى زاڭنامالىق تۇرعىدان قامتاماسىز ەتۋ, سونداي-اق, ءۇشىنشى پارلامەنتتىك سەسسيانىڭ جۇمىس قورىتىندىسى كەڭىنەن تالقىلانۋدا.
وسى رەتتە, بۇگىن ءماجىلىس دەپۋتاتتارى ساپار احمەتوۆ پەن بەكبولات تلەۋحان استانادا «iKomek» مونيتورينگ جانە جەدەل ارەكەت ەتۋ ورتالىعىندا بولىپ, قازىرگى تىنىس-تىرشىلىگمەن تانىستى.
كەزدەسۋ بارىسىندا دەپۋتات ساپار احمەتوۆ ەلباسى باستامالارىنىڭ ءاربىر ازاماتتىڭ ءال-اۋقاتىن جاقسارتۋعا باعىتتالعانىن العا تارتا كەلىپ, جۇزەگە اسىرىلىپ جاتقان ماڭىزدى جوبالار مەن ولاردىڭ زاڭ جاعىنان قامتاماسىز ەتۋ جايىندا كەڭىنەن باياندادى.
اتاپ وتكەنىندەي, بەس الەۋمەتتىك باستاما اياسىندا قولعا الىنعان 7-20-25 باعدارلاماسى ەلىمىز ازاماتتارىنا جەڭىلدىكپەن باسپاناعا قول جەتكىزۋگە جول اشادى.
ءماجىلىس دەپۋتاتتارى كەلگەن «iKomek» ورتالىعى 2017 جىلى اپاتتار مەن جازاتايىم وقيعالارمەن كۇرەس بويىنشا كوممۋنالدىق جانە جەدەل قىزمەتتەردىڭ جۇمىسىن ۇيلەستىرۋ جانە باقىلاۋ, سونداي-اق ازاماتتاردىڭ وتىنىشتەرىن قابىلداۋ ماقساتىندا قۇرىلعان.
ورتالىق 4 مىڭنان اسا بەينەباقىلاۋ قۇرىلعىلارىمەن جابدىقتالعان. كامەرالار اسىرەسە ادامدار كوپ جينالاتىن ايماقتار, ياعني ويىن-ساۋىق ورتالىقتارى, مەشىتتەر, ايالدامالار مەن ۆوكزالداردا ورناتىلعان.
«iKomek» مونيتورينگ جانە جەدەل ارەكەت ەتۋ ورتالىعىنىڭ» ديرەكتورى جانات دۋبيروۆانىڭ ايتۋىنشا, ورتالىق اياسىندا حالىققا اكىمدىكتىڭ 17 باسقارمالارى, 91 كوممۋنالدىق جانە توتەنشە جاعدايلار مەن 637 مەكەمە قىزمەت كورسەتەدى. بۇل قىزمەت تۇرلەرى 109 ءنومىرى بويىنشا جۇزەگە اسىرىلادى.