بۇۇ باس حاتشىسى انتونيۋ گۋتەرريش كاسپي تەڭىزىنىڭ قۇقىقتىق مارتەبەسى تۋرالى كونۆەنتسياعا قول قويىلۋىن قۇپتايدى. بۇل تۋرالى مالىمدەمەنى بىرىككەن ۇلتتار ۇيىمىنىڭ حاتشىلىعى تاراتتى.
«بۇل تاريحي قۇجات حالىقارالىق بەيبىتشىلىك پەن قاۋىپسىزدىكتى قامتاماسىز ەتۋ ءۇشىن اسا ماڭىزدى بولىپ تابىلاتىن وڭىرلىك ىنتىماقتاستىقتىڭ ماڭىزدىلىعىن كورسەتەدى», دەپ ايتىلعان حابارلامادا.
بۇۇ باس حاتشىسى كونۆەنتسيانىڭ كاسپي تەڭىزى جاعالاۋى ەلدەرى اراسىنداعى ۇزاقمەرزىمدى پروبلەمالاردىڭ كەڭ اۋقىمىن رەتتەۋى ءتيىس جانە قۇجاتتىڭ قابىلدانۋى وڭىرلىك شيەلەنىستى ازايتۋدا ماڭىزدى قادام بولىپ تابىلادى دەپ سانايدى.
انتونيۋ گۋتەرريش, سونداي-اق كونۆەنتسياعا قول قويعان بارلىق ەلدەردى وڭىرلىك ىنتىماقتاستىق پەن كوپجاقتى ديپلوماتيانىڭ ەرەكشە ءمانى بار جەتىستىكتەرىمەن قۇتتىقتادى.
«ەگەمەن-اقپارات»