قازاق مەملەكەتتىك قىزدار پەداگوگيكالىق ۋنيۆەرسيتەتىندە «رۋحاني جاڭعىرۋ» باعدارلاماسىنىڭ نەگىزگى باعىتتارىن ءبىلىم جانە عىلىم ۇردىسىنە ەنگىزۋ ماقساتىندا 6 ەلەكتيۆتى ءپان ەنگىزىلدى.
اتاپ ايتقاندا, بارلىق ماماندىققا « ۇلى دالا تاريحى» كەشەندى ءپانى, گەوگرافيا ماماندىعىنا – «ولكەتانۋ», «شوقان ءۋاليحانوۆتىڭ گەوگرافيالىق زەرتتەۋلەرى», تۋريزم ماماندىعىنا – «تۋريستىك ەلتانۋ», «قازاقستاننىڭ تۋريستىك ورتالىقتارىنىڭ گەوگرافياسى», فيلولوگيا, قازاق ءتىلى مەن ادەبيەتى, قازاق تىلىندە وقىتپايتىن مەكتەپتەردەگى قازاق ءتىلى مەن ادەبيەتى ماماندىقتارىنا – «لاتىن گرافيكاسى جانە قازاق جازۋى», ورىس تىلىندە وقىتپايتىن مەكتەپتەردەگى ورىس ءتىلى مەن ادەبيەتى» ماماندىعىنا – «يسكۋسستۆو ي ليتەراتۋرا» پاندەرى ەنگىزىلدى.
– «رۋحاني جاڭعىرۋ» باعدارلاماسىن جۇزەگە اسىرۋدىڭ باستى تەتىكتەرىنىڭ ءبىرى – وقۋ ۇدەرىسى ەكەنى بەلگىلى. وسىعان وراي, اتالعان باستامانى قولعا الدىق. مەملەكەت باسشىسىنىڭ «بولاشاققا باعدار: رۋحاني جاڭعىرۋ» اتتى باعدارلامالىق ماقالاسىندا كورسەتىلگەن مىندەتتەردى جۇزەگە اسىرۋ ماقساتىندا ەلىمىزدەگى جوعارى وقۋ ورىندارى دا لايىقتى قىزمەت اتقارۋدا. «رۋحاني جاڭعىرۋ» باعدارلاماسىنىڭ التى باعىتى بويىنشا قىزدار ۋنيۆەرسيتەتىنىڭ قۇرىلىمدىق بولىمشەلەرى مەن اتقارۋشى ورگانداردىڭ قىزمەتىن ۇيلەستىرەتىن جوبالىق كەڭسە اشىلدى. ۋنيۆەرسيتەت فاكۋلتەتتەرى ءوز قىزمەتتەرىن جوبالىق نەگىزدە ۇيىمداستىرادى, – دەپ اتاپ ءوتتى جاندار اسان.