№2 قالالىق ەمحانادا تەگىن ءدارى-دارمەك الۋشىلار ۇزىن-سونار كەزەكتە تۇر.
زينايدا كۋزنەتسوۆا قانت ديابەتىمەن كوپتەن بەرى اۋىرادى. ەم قونبايتىن دەرتتىڭ بىردەن-ءبىر شيپاسى – تەگىن ءدارى-دارمەك. ينسۋلتتى باسىنان كەشىرگەن كەيۋانا كەزەكتە 4 ساعاتتان اسا تۇرىپتى. ءوزىن ناشار سەزىنگەننەن كەيىن كەلگەن ىزىمەن كەرى قايتۋعا ءماجبۇر بولعان.
«ەمحاناعا كەلىپ جۇرگەنىمە ەكى كۇن بولدى. ۇزىن سونار كەزەك تاۋسىلار ەمەس.تەگىن ءدارى قولىما قاشان تيەرى بەلگىسىز. ءبىر كەلگەنىمدە ءدارى-دارمەك تاۋسىلىپ قالىپتى», دەيدى ناۋقاس.
گيپەرتونيك انتونينا سپيۆاكوۆانىڭ ايتۋىنشا كەزەگى جەتسە دە قاجەتتى پرەستاريۋم پرەپاراتىنىڭ جوق ەكەنى انىقتالعان. سوسىن ء دارىحانادان ساتىپ الۋىنا تۋرا كەلگەن. تەگىن ءدارى-دارمەك بۇعان دەيىن الەۋمەتتىك ءدارىحانالاردا بوساتىلىپ كەلسە, ەندى بۇل مىندەت ەمدەۋ مەكەمەسىنە جۇكتەلگەن سوڭ بىرقاتار پروبلەمالار تۋىنداعان. كەزەكتە تۇرعانداردىڭ كوبى قىزمەتتىڭ باياۋ كورسەتىلەتىنە شاعىمدانادى. 3 تەرەزە ورنالاسقانمەن تولىققاندى جۇمىس ىستەمەيدى.
ءتيىستى ورىنداردىڭ جاعدايدى تۇزەتۋگە اسىعار ءتۇرى كورىنبەيدى.
ءومىر ەسقالي,
«ەگەمەن قازاقستان»
پەتروپاۆل