استانا قالاسى مادەنيەت جانە سپورت باسقارماسىنىڭ ءباسپاسوز قىزمەتى بۇگىن ەلوردادا وتەتىن مەرەكەلىك ىس-شارالار تۋرالى حابارلادى.
8 شىلدە كۇنى 8.00-دە مۇستافا كەمال اتاتۇرىك داڭعىلىندا دراگ-رەيسينگتەن استانا قالاسىنىڭ كۋبوگىنىڭ 3 كەزەڭى وتەدى.
10.00-12.00 جانە 17.00-19.00 ارالىعىندا «جەرۇيىق», «استانالىق, «پرەزيدەنتتىك», «ستۋدەنتتىك», استانا ترياتلون ساياباقتارىندا «Fitness Park Astana» باعدارلاماسى بويىنشا سپورتتىق ءىس-شارالار (ەستافەتا, قاپتا سەكىرۋ,توپتىق جۇگىرىس, قاقپاعا دوپتى تەبۋ, ستريتبول, شاحمات, دويبى, توعىزقۇمالاق, اسىق اتۋ, ماۋنتينبايك) وتەدى.
10:00-دە جاستار سارايىندا «Bravissimo» اتتى IV حالىقارالىق بالالار مەن جاسوسپىرىمدەر شىعارماشىلىعى فەستيۆالى بولادى.
17:00-دە ەسىل وزەنىنىڭ جاعالاۋىنداعى امفيتەاتردا ماجارستاندىق «Kurazsi» ەتنو-بي ءانسامبلى ءوز كونتسەرتىن ۇسىنادى.
18:00-دە بەيبىتشىلىك جانە كەلىسىم سارايىندا ء«ان مەن ءانشى» اتتى گالا-كونتسەرتى باستالادى.
20:00-دە ەسىل وزەنىنىڭ جاعالاۋىنداعى امفيتەاتردا «كەش جارىق, استانا!» قازاقستان ەستراداسى جۇلدىزدارىنىڭ كونتسەرتى وتەدى.