اقتوبە وبلىسىنىڭ اكىمى بەردىبەك ساپارباەۆ جۇمىس ساپارىمەن قارعالى اۋدانىندا بولىپ, اۋىل شارۋاشىلىعىنداعى يننوۆاتسيالىق جوبالاردىڭ جۇزەگە اسىرىلۋ بارىسىمەن تانىستى, الەۋمەتتىك-مادەني سالا نىساندارىنا باردى.
اۋداندا سۋارمالى ەگىنشىلىكتى دامىتۋدىڭ بەلسەندى شارالارى جۇرگىزىلىپ جاتىر. بيىل جەلتاۋ اۋىلدىق وكرۋگىندە سۋارمالى جەرلەر الاڭىن 4445 گەكتارعا دەيىن جەتكىزۋ كوزدەلىپ وتىر. ەقدب قاراجاتىنا سۋارۋ جۇيەسى قالپىنا كەلتىرىلىپ, شارۋا قوجالىقتارى يگەرۋلەرى ءتيىس جاڭا زاماناۋي كوممۋنيكاتسيالىق تەحنولوگيالار جۇرگىزىلۋدە. مەردىگەرلەر 12 شاقىرىم ەلەكتر جەلىسىن تارتىپ, سۋ بەرەتىن 14 سورعىلاۋ بەكەتىن قوندىرادى. بارلىق جۇمىستى كۇزگە قاراي اياقتاۋ جوسپارلانعان.
بەردىبەك ساپارباەۆ اۋدانداعى اۋىلشارۋاشىلىعى قۇرىلىمدارى باسشىلارىمەن كەزدەسكەن كەزىندە سۋارمالى ەگىنشىلىكتىڭ ەرەكشەلىكتەرى جايىندا ەسكە سالدى.
- ءبىز سىزدەردى بارلىق ماۋسىم بويى سۋمەن قامتاماسىز ەتەتىن جانە استىق ونىمدىلىگىن 8 ملرد تەڭگەگە دەيىن وسىرۋگە مۇمكىندىك بەرەتىن جوبانى جۇزەگە اسىرىپ جاتىرمىز. سىزدەر دە ءوز تاراپتارىڭىزدان استىق ونىمدىلىگىن قامتاماسىز ەتۋلەرىڭىز قاجەت, ايتپەسە سالعان ينۆەستيتسيانىڭ تيىمدىلىگى بولمايدى, - دەپ اتاپ ءوتتى وبلىس اكىمى.
پەتروپاۆل اۋىلىندا ءوڭىر باسشىسىنا اكۆاپانيكا ءادىسىن پايدالانا وتىرا كاسىپشىلىك بالىقتاردىڭ شاباقتارىن باعۋدىڭ قىزىق جوباسى تانىستىرىلدى. جەرگىلىكتى كاسىپكەر ارتۋر كوفلەر 4 مىڭ توننا شاباقتى ءوسىرىپ, ولاردى ەندىگى تابيعي ورتاعا جىبەرىپ تە قويعان.
ش.قالدىاياقوۆ اتىنداعى اۋىلدا تامىز ايىندا قۋاتتىلىعى 5 مىڭ توننا كارتوپقا دەيىن جەتەتىن كوكونىس قويماسى پايدالانۋعا بەرىلمەك. «اكتەپ» جشس ونى ءوز قاجەتىلىكتەرىنە جۇمسايدى دەپ كوزدەلۋدە: كاسىپورىن كۇزدە 200 گەكتار الاڭنان 8 مىڭ توننا استىق كۇتىپ وتىر, ءبىر بولىگى «تابىس» بازارىندا ارزان باعامەن ساتىلاتىن بولادى. بۇدان باسقا, كاسىپورىن بىرنەشە تۇقىم شارۋاشىلىعىن قۇرىپ, جەرگىلىكتى شارۋالاردى ساپالى تۇقىم ماتەريالدارىمەن قامتاماسىز ەتكىسى كەلەدى.
ءوڭىر باسشىسى «اكتەپ» جشس باسشىلىعىنىڭ قىزمەتىنە وڭ باعا بەرىپ, وسىنداي كاسىپورىنداردىڭ وبلىستاعى اۋىلشارۋاشىلىعى سالالارىن دامىتۋدىڭ قولباسشىسى بولىپ تابىلاتىنىن اتاپ ءوتتى.
مۇندا بەردىبەك ساپارباەۆ «تۋعان جەرگە تاعزىم» اكتسياسى اياسىندا سالىنعان «قازپوشتا» بولىمشەسىنىڭ جاڭا عيماراتىن قاراپ شىعىپ, جەرگىلىكتى تۇرعىندارمەن كەزدەستى.
وبلىس اكىمى قارعالىلىقتاردان مەملەكەتتىڭ اۋىلشارۋاشىلىعىن دامىتۋعا بەرگەن مۇمكىندىكتەرىن بەلسەندىرەك پايدالانۋلارىن سۇرادى, سونىمەن قاتار, اۋىلداعى جەكەمەنشىك تۇرعىن ۇيلەردىڭ قۇرىلىس قارقىنىنا كوڭىلى تولمايتىنىن جەتكىزدى. جەر تەلىمدەرىنە بارلىق ينجەنەرلىك كوممۋنيكاتسيالار تارتىلعانىمەن جەكەمەنشىك - تۇرعىن ءۇي قۇرىلىسى باسەڭ.
سونداي-اق ءوڭىر باسشىسى «التىن بۇلاق» ساۋىقتىرۋ كەشەنىنىڭ تۇرعىزىلۋ بارىسىمەن تانىستى, سونىمەن قاتار, بادامشا اۋىلىندا سالىنىپ جاتقان جالدامالى-كوممۋنالدى تۇرعىن ءۇيدى, بالاباقشا عيماراتى مەن قالپىنى كەلتىرىلىپ جاتقان ساياباقتى قاراپ شىقتى.
وبلىس əكىمىنىڭ جۇمىس ساپارى "باقىتتى بالا" مەرەكەلىك شاراسىمەن اياقتالدى. وعان اۋداننىڭ 15 مەكتەبىنەن كەلگەن 300-دەن اسا بالا قاتىستى.
بەردىبەك ساپارباەۆ اتا-انا قامقورىنسىز قالعان ءۇش بالاعا باسپانا الۋ ءۇشىن سەرتيفيكاتتار تابىس ەتتى. ون جەتىم بالا "تۇرعىن ءۇي-قۇرىلىس جيناق بانكىندەگى" ەسەپشوتىن تولتىرۋ ءۇشىن 100 مىڭ تەڭگەگە سەرتيفيكات الدى.
بۇدان باسقا, وقۋ جىلىندا ەرەكشەلەنگەن 110 وقۋشىعا استانا قالاسى مەن تۇركىستاننىڭ كيەلى جەرلەرىنە ساياحات جاساۋعا جولدامالار بەرىلدى. جيىرما قارعالىلىق بالا دەمەۋشىلەر قاراجاتى ەسەبىنەن ورىنبور وبلىسىنىڭ نوۆوترويتسك قالاسىنداعى ساۋىقتىرۋ لاگەرىنە بارا الادى.
تەمىر قۇسايىن, «ەگەمەن قازاقستان»