«ۋەلس» ۇلتتىق قۇراماسىنىڭ باس باپكەرى رايان گيگگز ەڭ تالانتتى فۋتبولشىلاردىڭ قاي قۇرامالاردا وينايتىنىن ايتتى.
«مەن, ارينە, برازيليا مەن گەرمانيانى ايتار ەدىم. الايدا وسى جىلى بەلگيا مەن فرانتسيانىڭ ويىنى قىزىق بولاتىن سەكىلدى. سەبەبى ەڭ تالانتتى فۋتبولشىلار وسى قۇرامالاردا», دەيدى ول.
«رولان گارروس» ءتۋرنيرى ءوز مارەسىنە جەتتى
فرانتسيا اشىق چەمپيوناتى ءوز مارەسىنە جەتتى. ەرلەر اراسىندا رافاەل نادال دومينيك ءتيمدى جەڭىپ, «رولان گارروس» شىڭىن 11-ءشى رەت باعىندىردى. ايەلدەر اراسىنداعى ويىندا سيمونا حالەپ امەريكالىق سلوان ستيۆەنستى 3:6, 6:4, 6:1 ەسەبىمەن ۇتتى.
يسپان تەنيسشىسى رافاەل نادال فرانتسيا اشىق چەمپيوناتىنىڭ فينالىندا اۋستريالىق دومينيك ءتيمدى 6:4, 6:3, 6:2 ەسەبىمەن جەڭدى. 32 جاستاعى سپورتشى «رولان گارروس» جارىسىندا 11 رەت جەڭىسكە جەتتى. پاريجدە وتكەن سوڭعى ويىنداعى جەڭىسى ناتيجەسىندە نادال الەمنىڭ ءبىرىنشى راكەتكاسى اتاعىن ساقتاپ قالدى. رافاەل شۆەيتساريالىق رودجەر فەدەرەردەن 100 ۇپاي وزىپ تۇر.
27 مامىر كۇنى باستالعان «رولان گارروس» دوداسىندا قازاقستاننان ميحايل كۋكۋشكين, يۋليا پۋتينتسەۆا, زارينا دياس قاتىستى. 1/4 فينالدا ويناعان يۋليا پۋتينتسەۆا امەريكالىق مەديسون كيزدەن 6:7, 4:7 ەسەبىمەن جەڭىلىس تاپتى. ايەلدەر تەننيس اسسوتسياتسياسى رەيتينگى بويىنشا پۋتينتسەۆا 56 ورىنعا جايعاسسا, دياس 51-دەن 45-ءشى ورىنعا كوتەرىلدى.
NBA-نىڭ باستى جۇلدەسىن التىنشى رەت الدى
«گولدەن ستەيت» ءتورتىنشى ماتچتا «كليۆلەندتى» جەڭدى. «كليۆلەند كاۆالەرس» پەن «گولدەن ستەيت ۋورريورز» اراسىنداعى فينالدىق كەزدەسۋ كليۆلەندتە «كۋيكەن لوانس-ارەنادا» قوناقتار پايداسىنا شەشىلدى (85:108).
ماتچتىڭ ەڭ ناتيجەلى ويىنشىلارى «ۋورريورزدان» 37 ۇپايمەن ستيۆەن كارري, «كليۆلەندتەن» 23 ۇپايمەن لەبرون دجەيمس بولدى. «گولدەن ستەيت» 4:0 ەسەبىمەن جەڭىسكە جەتتى. كاليفورنيالىق كلۋب التىنشى رەت NBA-نىڭ باستى جۇلدەسىن ەنشىلەدى.
دايىنداعان
ىرىستى قادىربەك