يۋنەسكو-نىڭ ءداستۇرلى سپورتتار مەن ويىندار كوميتەتىنىڭ وكىلدەرى رەسمي ساپارمەن ەلورداعا كەلدى. سەبەبى دۇنيەجۇزىلىك مارتەبەگە يە بۇل قۇرىلىم 2021 جىلى عالامدا تۇڭعىش رەت الەمدىك ەتنوويىندار وليمپياداسىن وتكىزدى جوسپارلاۋدا. اتالمىش دودانى وتكىزۋگە جاپونيا, كانادا قاتارلى دامىعان ەلدەرمەن قاتار قازاقستان دا نيەت بىلدىرۋدە.
وسى ورايدا, جوعارىداعى ۇسىنىستى تالقىلاۋ ماقساتىندا يۋنەسكو-نىڭ ءداستۇرلى سپورتتار مەن ويىندار كوميتەتىنىڭ توراعاسى حاليل احمەد حان, كوميتەت ۇيلەستىرۋشىسى مارسەللين دەللي جانە حاتشىسى شاممي رانا مىرزالار ەلورداداعى ۇلتتىق مۋزەيدە مادەنيەت جانە سپورت ءمينيسترى ارىستانبەك مۇحامەدي ۇلى جانە ۇلتتىق سپورت تۇرلەرى قاۋىمداستىعىنىڭ قۇرمەتتى پرەزيدەنتى قايرات ساتىبالدى ۇلىمەن جۇزدەسىپ, ەكىجاقتى كەلىسسوز جۇرگىزدى.
شارا اياسىندا يۋنەسكو, مادەنيەت جانە سپورت مينيسترلىگى, ۇلتتىق سپورت تۇرلەرى قاۋىمداستىعى ءوزارا تۇسىنىستىك جونىندەگى مەموراندۋمعا قول قويدى. سونداي-اق مارتەبەلى قوناقتار استانا وتكەن ۇلتتىق سپورت تۇرلەرىنەن ازيا چەمپيوناتىنا قاتىساتىن توعىز ەلدىڭ كوماندا جەتەكشىلەرى جانە ەلىمىزدەگى ۇلتتىق سپورتتىڭ جەتەكشى ماماندارى قاتىسقان «ەتنوسپورتتى دامىتۋ جانە ناسيحاتتاۋ» تاقىرىبىندا سەمينار-كەڭەسكە قاتىستى.
بەكەن قايرات ۇلى, «ەگەمەن قازاقستان»