العاش رەت 11 سىنىپتىڭ 1 000 تۇلەگى ءۇشىن بىرقاتار ماماندىقتار بويىنشا جوعارى وقۋ ورىندارىنا مەملەكەتتىك تاپسىرىس (كۇندىزگى بولىمدە تەگىن وقىتۋ) ورنالاستىرىلادى, دەپ حابارلايدى ەلوردالىق اكىمدىكتىڭ سايتى.
اتاپ ايتقاندا, گرانتتار جالپى مەديتسينا (دارىگەر-تراۆموتولوگ, دارىگەر-اللەرگولوگ), پەدياتر (رەابيليتولوگ, نەاناتولوگ, سۋيتسيدولوگ), ساۋلەتشى (BIM - جوبالاۋشى مەنەدجەر), ديزاين (Web-ديزاين, لاندشافت ديزاينەرى) ماماندىقتارىنا قاراستىرىلعان.
سونىمەن قاتار ءىت مامانداردىقتار بويىنشا تەگىن وقۋعا بولادى. ولاردىڭ قاتارىندا ەسەپتەۋىش تەحنيكا مەن باعدارلامالىق قامتاماسىز ەتۋ (پروگرامميست), اقپاراتتىق جۇيە (ازىرلەۋشى جانە كومپيۋتەرلىك جۇيەنىڭ تالداۋشىسى), راديوتەحنيكا, ەلەكترونيكا جانە تەلەكوممۋنيكاتسيا (ينجەنەر - ەلەكترونشى) باعىتتارى قامتىلعان. بۇدان بولەك, ينجەنەرلىك جۇيە مەن جەلى (گاز جابدىقتاۋ جۇيەسى قۇرىلعىسىن پايدالانۋ مەن مونتاج بويىنشا ينجەنەر-تەحنيك), قۇرال جاساۋ جانە بايلانىس جونىندەگى ينجەنەر, سونداي-اق قۇرىلىس (قۇرىلىستا 3D باسپا جوبالاۋشى) ماماندىقتارى بويىنشا گرانتتار بولىنەدى. وسى تىزىمدە مەكتەپكە دەيىنگى وقىتۋ جانە تاربيەلەۋ, فيزيكا (اعىلشىن ءتىلىن وقىتۋ قۇقىعىمەن قوسا), بيولوگيا, گەوگرافيا, دەفەكتولوگيا (لوگوپەد, سۋردوپەداگوگ, تيفلوپەداگوگ, وليگوفرەنوپەداگوگ) كاسىپتەرى ەسكەرىلگەن.
تالاپكەرلەردەن ءوتىنىشتى قابىلداۋ 2018 جىلدىڭ 1- 7 تامىزى ارالىعىندا جۇرگىزىلەدى.