اقش پرەزيدەنتى دونالد ترامپ جۇما كۇنى سولتۇستىككورەيالىق كوشباسشى كيم چەن ىنمەن كەزدەسۋ 12 ماۋسىمدا وتەتىنىن حابارلادى. بۇل مالىمدەمە تاراپتاردىڭ بىرنەشە اپتا بويى مامىلەگە كەلە الماعاندارىنان كەيىن جاسالدى, دەپ حابارلايدى ريونحاپ اگەنتتىگى.
ترامپ كيم چەن ىنمەن اق ۇيدەگى كەزدەسۋدەن كەيىن ءدال وسىنداي مالىمدەمە جاسادى. سامميت سولتۇستىك كورەيانىڭ يادرولىق باعدارلاماسىن جابۋ ماسەلەسىن تالقىلاۋ ءۇشىن سينگاپۋردە وتەتىنىن ايتىلعان. ء«بىز كەزدەسۋدى 12 ماۋسىمدا سينگاپۋردە وتكىزەمىز. بايلانىسىمىز ارى قاراي دامۋدا, بۇل - قۋانتارلىق جايت», - دەدى ترامپ سولتۇستىك كورەيا پرەزيدەنتىنىڭ جاقىن كومەكشىسى كيم يون چحولمەن اق ۇيدە وتكەن كەزدەسۋدەن كەيىن.
تاراپتار اراسىندا سولتۇتىك كورەيانىڭ يادرولىق باعدارلاماسىنا جانە ناتيجەسىندەگى قاۋىپسىزدىكتىڭ كەپىلىنە قاتىستى كەلىسپەۋشىلىكتەرى بار. اقش سولتۇستىك كورەيانىڭ قانداي دا كەپىل بەرمەس بۇرىن باعدارلامانى دەرەۋ جويعانىن قالايدى, الايدا پحەنيان باعدارلامادان بىرجاقتى تارتىپكە باس تارتۋدى ءتيىمسىز دەپ ويلايدى. ترامپ ءباسپاسوز قىمەتىنە مالىمدەمە بەرۋ بارىسىندا سولتۇستىك كورەيا دامىعىسى كەلەتىنىن, سول سەبەپتەن يادرولىق باعدارلامانى جاباتىنىن ايتقان. الايدا, سولتۇستىك كورەيانىڭ بۇل تالاپتى قابىلداۋى نەمەسە قابىلداماۋى تۋرالى ساۋالدارعا جاۋاپ بەرمەي, بارلىق ماسەلە 12 ماۋسىمدا شەشىلەتىنىن, ازىرگە ەشقانداي قۇجاتتارعا قول قويىلمايتىنىن ايتقان.
كيم يون چحول ترامپپەن اق ۇيدە كەزدەسپەس بۇرىن نيۋ يوركتە اقش-تىڭ مەملەكەتتىك حاتشىسى مايك پومپەومەن سينگارپۋردە سامميت وتكىزۋ تۋرالى تالقىلاعان. كەزدەسۋدەن كەيىن پومپەو كەلىسسوزدەردە ىلگەرىلەۋ بارىن, الايدا الدا ۇلكەن جۇمىس كۇتىپ تۇرعانىن اتاپ ءوتتى.
ەستەرىڭىزگە سالا كەتسەك, وتكەن اپتادا ترامپ كيم چەن ىنگە جازعان اشىق حاتىندا «پحەنياننىڭ جاۋلىق كوزقاراسىنپ» بايلانىستى سولتۇستىك كورەياعا قاتىستى ءسامميتتىڭ وتكىزىلمەيتىنىن جەتكىزدى. الايدا سولتۇستىك كورەيانىڭ ءبىتىستىرۋ تۋرالى مالىمدەمەسىنەن كەيىن ول جوعارى دەڭگەيدە كەزدەسۋدى وتكىزۋ جونىندە شەشىم قابىلدادى. بۇدان كەيىن ەكى ەلدىڭ رەسمي تۇلعالارى سامميت وتكىزۋدىڭ بۇگە-شىگەسىن تالقىلاۋ ءۇشىن سولتۇستىك جانە وڭتۇستىك كورەيا شەكاراسىندا, سونىمەن بىرگە سينگاپۋر اۋماعىندا كەزدەسۋلەرىن جالعاستىرا بەردى.