بۇگىنگى تاڭدا ەلەكتروندى بيرجادا 32 مىڭنان استام بوس جۇمىس ورنى, 69 مىڭنان استام رەزيۋمە بار. 75 مىڭعا جۋىق ازامات تۇراقتى جۇمىسقا ورنالاسقان. بۇل تۋرالى بۇگىن سەناتتا وتكەن پارلامەنتتىك تىڭداۋ بارىسىندا اقپارات جانە كوممۋنيكاتسيالار ءمينيسترى داۋرەن اباەۆ مالىمدەدى.
ءمينيستردىڭ ايتۋىنشا, 2018 جىلدىڭ قاڭتار ايىنان باستاپ قازاقستان بويىنشا ەلەكتروندى ەڭبەك بيرجاسى ونەركاسىپتىك قولدانىسقا ەنگىزىلدى. بۇل, مەملەكەتتىك سەكتور جۇيەلەرىنە كىرۋ رۇقساتىن اشۋدىڭ كومەگىمەن ىسكە اسقان العاشقى جوبا.
"قازىر 38 مىڭ جۇمىس بەرۋشى, 45 ەڭبەكپەن قامتۋ اگەنتتىكتەرى, 5 بۇقارالىق اقپارات قۇرالدارى مەن 5 ونلاين-الاڭ جۇمىس ىستەپ تۇر. ەڭ باستىسى ەلەكتروندى بيرجا, ازاماتتاردىڭ جۇمىسقا ورنالاسۋ ءۇردىسىن جىلدامداتادى", دەدى مينيستر.