پەتروپاۆلدا كۇشتىك قۇرىلىمدار بوز كىلەمدە بەلدەستى

رەسپۋبليكالىق دەڭگەيدە العاش رەت ۇيىمداستىرىلعان جارىستىڭ اشىلۋ سالتاناتىندا «دينامو» دەنە شىنىقتىرۋ سپورت قوعامى توراعاسىنىڭ ورىنباسارى اسقار ومارقۇلوۆ, قازاق كۇرەسى فەدەراتسياسى پرەزيدەنتىنىڭ ءبىرىنشى ورىنباسارى, «قازاقستان بارىسى» ءتۋرنيرىن ۇيىمداستىرۋشى ارمان شوراەۆ, وبلىس اكىمىنىڭ ورىنباسارى انتون فەدياەۆ سپورتتىق شارانىڭ نەگىزگى ماقساتى كۇشتىك قۇرىلىمدار اراسىندا قازاق كۇرەسىن جانداندىرۋ, جاستارعا ۇلگى ەتۋ, سالاماتتى ءومىر سالتىن ناسيحاتتاۋ بولىپ تابىلاتىنىن ايتىپ, قاتىسۋشىلارعا ساتتىلىك تىلەدى.

بايراقتى باسەكەگە ەلىمىزدىڭ بارلىق وڭىرلەرىنەن, الماتى, استانا قالالارىنان 48 بالۋان سايدىڭ تاسىنداي ىرىكتەلىپ, ەكى كۇن بويى بوز كىلەمنىڭ شاڭىن قاقتى. 80, 90 جانە 90 كيلودان جوعارى سالماقتار بويىنشا نەبىر ايلا-تاسىلدەر قولدانىپ, بىردە جەڭىپ, بىردە جاۋىرىنى جەر يىسكەگەن كۇش يەلەرىن قولداۋشى جانكۇيەرلەر قاتارى قالىڭ بولدى.

جارىس قورىتىندىسىندا سولتۇستىكقازاقستاندىق با­تىرحان قايىربەك (80 كگ.), جام­بىل­دىق بەگىمحان ادىلبەكوۆ (90 كگ.) جەڭىمپاز اتاندى. 90 كيلودان جوعارى سالماقتا ال­ماتى وبلىسىنىڭ نامىسىن قور­عاعان الەكساندر كاساچەۆ تە قار­سىلاس شاق كەلتىرمەدى. وعان باس جۇلدە – ىشكى ىستەر ءمينيسترى قال­مۇحانبەت قاسىموۆ اتىنداعى كۋبوك سالتاناتتى تۇردە تاپسى­رىلدى. جالپىكوماندالىق ەسەپ­تە بوزكىلەم يەلەرى توپ جاردى. ەكىنشى, ءۇشىنشى ورىنداردى ماڭعىستاۋ وبلىسى مەن ۇلت­تىق گۆارديا كوماندالارى مىسە تۇتتى.

شارا بارىسىندا ۇلتتىق سپورتتىڭ دامۋىنا زور ۇلەس قوسىپ جۇرگەن پەتروپاۆل قالاسىنىڭ قۇرمەتتى ازاماتى باۋىرجان قۇلجانوۆ «دينامو» قوعامىنىڭ التىن مەدالىمەن ماراپاتتالدى. ءسوز اراسىندا سپورت ارداگەرىنىڭ قازاق كۇرەسىنەن ءوڭىردىڭ تۇڭعىش سپورت شەبەرى ەكەنىن, قازاق كۇرەسى قوعامىنىڭ قۇرمەتتى پرەزيدەنتى ەكەنىن ايتا كەتكەن ءجون. ونىڭ ارادا 44 جىل وتكەننەن كەيىن تەمىرلاندىق (وقو) ۇلاس مومىن ۇلىمەن قاۋىشۋى ەرەكشە اسەرلى بولدى. قوس ساڭلاق 1974 جىلى قاجىمۇقان مۇڭايتپاسوۆ اتىنداعى حالىقارالىق ءتۋر­نير­دىڭ اقتىق باسەكەسىندە بەلدەسىپ, باۋكەڭنىڭ مەرەيى ۇستەم بولعان ەكەن.

ءومىر ەسقالي,

«ەگەمەن قازاقستان»

سولتۇستىك قازاقستان وبلىسى