تاراز قالاسىنداعى «وليمپيادا جەتكىنشەكتەرىن دايارلاۋ ورتالىعىنىڭ» سپورت كەشەنىندە قازاقستان رەسپۋبليكاسى پرەزيدەنتىنىڭ جۇلدەسى ءۇشىن قازاق كۇرەسىنەن «قازاقستان بارىسى» رەسپۋبليكالىق تۋرنيرىنە جامبىل وبلىسىنىڭ ىرىكتەۋ جارىسى ءوتتى.
اتالعان جارىسقا تاراز قالاسى مەن وبلىس اۋداندارىنان بارلىعى 19 سپورتشى قاتىسىپ, باق سىنادى. جارىس قورىتىندىسى بويىنشا ابسوليۋتتىك سالماقتا تاراز قالاسىنان ءبىرىنشى ورىندى ايبول ايتبەك جەڭىپ السا, ەكىنشى ورىندى تالاس اۋدانىنان ايدوس تەڭگەباەۆ يەلەندى. سونداي-اق, ءۇشىنشى ورىندى جامبىل اۋدانىنان داۋلەت پاحرەدينوۆ پەن مەركى اۋدانىنان عالىمجان قىرىقباەۆ ەنشىلەدى.
وسى جىلدىڭ شىلدە ايىندا استانا قالاسىندا وتەتىن «قازاقستان بارىسى» رەسپۋبليكالىق تۋرنيرىنە ايبول ايتبەك پەن ايدوس تەڭگەباەۆ قاتىسىپ, جامبىل ءوڭىرىنىڭ نامىسىن قورعايتىن بولادى.
حاميت ەسامان, «ەگەمەن قازاقستان»