تۇركى كەڭەسى مەملەكەت باسشىلارى ءسامميتىنىڭ شەشىمى بويىنشا تۇركى اكادەمياسى حالىقارالىق ۇيىمى (TWESCO) دايىنداعان «ورتاق تۇركى تاريحى» وقۋلىعىن تۇركيا ۇلتتىق ءبىلىم مينيسترلىگى ورتا مەكتەپتەردىڭ سەگىزىنشى سىنىپتارىندا وقۋ باعدارلاماسىنا ەنگىزەدى. بۇل تۋرالى تۇركيانىڭ AA (Anadolu Ajans) اقپارات اگەنتتىگى حابارلادى.
Anadolu Ajans-تىڭ حابارلاۋى بويىنشا, تۇركيا ءبىلىم ءمينيسترى يسمەت يىلمازدىڭ شەشىمىمەن الداعى وقۋ جىلىندا «ورتاق تۇركى تاريحى» ورتا مەكتەپتەردە تاڭداۋلى ءپان رەتىندە ەنگىزىلەدى.
بۇدان بۇرىن حابارلانعانداي تۇركى اكادەمياسى حالىقارالىق ۇيىمى (TWESCO) تۇركى كەڭەسىنە مۇشە ەلدەردىڭ ءبىلىم جانە عىلىم مينيسترلىكتەرى وكىلدەرى مەن ساراپشىلارىنىڭ قاتىسۋىمەن ورتاق وقۋلىقتى ازىرلەپ شىققان بولاتىن.